കണ്ണൂര്: ഇന്ത്യയിലെ മറ്റ് സംസ്ഥാനങ്ങളിലെ വിജയത്തിന് ശേഷം മയൂരി ബ്രാന്റ് ഇ-റിക്ഷ ഉടന് കേരളത്തിലും വിപണിയിലെത്തുന്നു. കണ്ണൂര് ചിറക്കലില് സിന്പര് എന്റര്പ്രൈസസ് അത്യാധുനിക സൗകര്യങ്ങളോടെ ഷോറൂമും സര്വ്വീസ് സെന്ററും സജ്ജീകരിച്ചതായി ഭാരവാഹികള് വാര്ത്താസമ്മേളനത്തില് പറഞ്ഞു. ഇന്ന് കാലത്ത് പി.കെ.ശ്രീമതി എംപി ഷോറൂം ഉദ്ഘാടനം ചെയ്യും. ടി.വി.രാജേഷ് എംഎല്എ മുഖ്യാതിഥിയായിരിക്കും. കുറഞ്ഞ മുതല്മുടക്ക്, കുറഞ്ഞ പരിപാലനച്ചെലവ്, കുറഞ്ഞ പ്രവര്ത്തനച്ചെലവ് കൂടാതെ പരിസ്ഥിതി സൗഹൃദവും ഇ-റിക്ഷയുടെ മുഖമുദ്രയാണ്. വിനോദ കേന്ദ്രങ്ങള്, ക്യാമ്പസുകള്, യൂനിവേഴ്സിറ്റികള്, റിസോര്ട്ടുകള് എന്നിവിങ്ങളില് വായു, ശബ്ദമലിനീകരണമില്ലാത്ത യാത്രാസഹായിയായി ഇ-റിക്ഷ ഉപയോഗിച്ച് വരുന്നു. ചെറുകിട കചവ്വടക്കാര്ക്കും ഇത് ഏറെ ഉപകാരപ്രദമാണ്. ഐസിഎടി സര്ട്ടിഫിക്കേഷന് ലഭിച്ചിട്ടുള്ള ആദ്യ ബ്രാന്റ് മയൂരി ഇ- റിക്ഷയാണ്. കേന്ദ്ര സര്ക്കാര് മേയ്ക്കിംഗ് ഇന്ത്യ പദ്ധതി പ്രകാരം അത്യാധുനിക സാങ്കേതിക വിദ്യയോടും ഉയര്ന്ന ഗുണനിലവാര പരിശോധനയോടും കൂടി രാജസ്ഥാനിലെ ബിവാടിയില് നിര്മാണയൂണിറ്റ് പ്രവര്ത്തിച്ച് വരുന്നു. സായിറ ഇലക്ട്രിക്കല്സ് ഇന്ത്യയിലെ വിതരണക്കാര് മുഖേന പൂര്ണ സേവനവും ഉറപ്പ് വരുത്തിയിട്ടുണ്ട്. വാര്ത്താസമ്മേളനത്തില് എകാന്ഷ്ഗോഗിയ, പ്രദീപ് ഗോപാലകൃഷ്ണന്, സുജാത പ്രദീപ്, സജിത്ത്കുമര്, ജിതേഷ് തോമസ് എന്നിവര് പങ്കെടുത്തു.
മയൂരി ബ്രാന്റ് ഇ-റിക്ഷ കേരളത്തിലും
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.