ബിര്മിങ്ഹാം: ഓപ്പണര് അലിസ്റ്റാര് കുക്കിന്റെ ഇരട്ടസെഞ്ചുറിയില് ഇംഗ്ലണ്ടിന് കൂറ്റന് സ്കോറിലേയ്ക്ക്. വെസ്റ്റ് ഇന്ഡീസിനെതിരായ പ്രഥമ ദിന-രാത്രി ടെസ്റ്റിന്റെ രണ്ടാം ദിനം ഒടുവില് റിപ്പോര്ട്ട് കിട്ടുമ്പോള് ഇംഗ്ലണ്ട് മൂന്ന് വിക്റ്റ് നഷ്ടത്തില് 449 റണ്സിലെത്തി നില്ക്കുകയാണ്. 213 റണ്സുമായി കുക്ക് ക്രീസിലുണ്ട്.
ആദ്യ ദിനത്തില് ക്യാപ്റ്റന് റൂട്ട് സെഞ്ചുറി നേടിയിരുന്നു. 136 റണ്സ് നേടിയാണ് റൂട്ട് മടങ്ങിയത്. ആദ്യ ദിനം കളി നിര്ത്തുമ്പോള് കുക്ക് 153 റണ്സുമായി പുറത്താകാതെ നിന്നു.
ബാറ്റിങ്ങ് തെരഞ്ഞെടുത്ത ഇംഗ്ലണ്ടിന്റെ തുടക്കം മോശമായി. തുടരെ രണ്ട് വിക്കറ്റുകള് വീണതോടെ അവര് രണ്ടിന് 39 റണ്സെന്ന നിലയിലായി. പക്ഷെ ഓപ്പണര് കുക്കിനൊപ്പം ക്യാപ്റ്റന് റൂട്ട് ചേര്ന്നതോടെ അവര് കരകയറി. മൂന്നാം വിക്കറ്റില് ഇവര് 148 റണ്സ് അടിച്ചെടുത്തു.
റൂട്ടിനെ പുറത്താക്കി റോച്ചാണ് ഈ കൂട്ടുകെട്ട് തകര്ത്തത്.189 പന്ത് നേരിട്ട കുക്ക് 22 ബൗണ്ടറിയുടെ പിന്ബലത്തില് 136 റണ്സ് സ്വന്തം പേരില് എഴുതി.റൂട്ടിന്റെ പതിമൂന്നാം സെഞ്ചുറിയാണിത്. ഓപ്പണര് സ്റ്റോണ്മാനും വെസ്റ്റ്ലിയും എട്ട് റണ്സിന് പുറത്തായി. വെസ്റ്റ്ഇന്ഡീസിന്റെ റോച്ച് 72 റണ്സിന് രണ്ടു വിക്കറ്റും കമിന്സ് 61 റണ്സിന് ഒരു വിക്കറ്റും വീഴ്ത്തി.
