കട്ടപ്പന: വീട്ടുജോലിയ്‌ക്കായി സൗദിയിലെത്തിയ മലയാളി യുവതി വീട്ടുതടങ്കലിലെന്ന് പരാതി. കട്ടപ്പന നരിയംപാറ പട്ടരുകണ്ടത്തില്‍ മാത്യു വര്‍ഗ്ഗീസ്സിന്റെ ഭാര്യ ജെസ്സി മാത്യുവാണ് കഴിഞ്ഞ മൂന്നുമാസമായി വീട്ടുതടങ്കലിലാണെന്നാണ് കാണിച്ച് ഭര്‍ത്താവ് പരാതി നല്‍കിയിരിക്കുന്നത്.
2016 ഓഗസ്റ്റ് 21 ന് കട്ടപ്പന ഐ.എച്ച്.ആര്‍.ഡി കോളേജിനു സമീപംപ്രവര്‍ത്തിക്കുന്ന റൈറ്റ് വേ ജോബ് കണ്‍സള്‍ട്ടന്‍സി നടത്തുന്ന സിന്ധു എന്ന ഏജന്റ്മുഖേനയാണ് പ്രതിമാസം 25000 രൂപ ശമ്പളം ഉണ്ടെന്ന് പ്രലോഭിപ്പിച്ച് സൗദിയിലേക്ക് ജെസിയെ വിട്ടത്. തൊടുപുഴ വണ്ണപ്പുറം സ്വദേശി ഷാജഹാന്‍, ഇയാളുടെ സഹോദരി മാജിത, മലപ്പുറം സ്വദേശി ഷിഹാബ് എന്നിവരാണ് ഇന്റര്‍വ്യൂ നടത്തിയത്. സൗദിയില്‍ വര്‍ഷങ്ങളായിജോലി ചെയ്യുന്ന മലയാളികളുടെ വീട്ടില്‍ പ്രായമായ
മാതാവിനെപരിചരിക്കുന്ന ജോലിയെന്നാണ് പറഞ്ഞിരുന്നത്.
ലഭിച്ച ജോലി അറബികളുടെ വീട്ടിലും. ദിവസേന ഇവര്‍ ശാരീരികമായി ഉപദ്രവിക്കുന്നുവെന്ന് ഭാര്യ ഫോണ്‍ ചെയ്ത് അറിയിച്ചതിനെതുടര്‍ന്ന് കേന്ദ്ര പ്രവാസി കാര്യമന്ത്രി സുഷമാ സ്വരാജ്, അഡ്വ. ജോയ്‌സ് ജോര്‍ജ്ജ് എം.പി,ഇടുക്കി ജില്ലാകളക്ടര്‍, ജില്ലാ പോലീസ് സൂപ്രണ്ട്, കട്ടപ്പന ഡി.വൈ.എസ്.പി.എന്നിവര്‍ക്ക് ഭാര്യയെ നാട്ടിലെത്തിക്കാന്‍ സഹായിക്കണമെന്നും അറിയിച്ച് പരാതിനല്‍കിയിരുന്നു.
എന്നാല്‍ നാളിതുവരെ ഈ പരാതികള്‍ക്കൊന്നും നടപടി ഉണ്ടായിട്ടില്ല. കഴിഞ്ഞ ജൂണ്‍ മാസം ആദ്യം ഫോണ്‍ ചെയ്ത ഭാര്യ അറബികളുടെ മര്‍ദ്ദനം മൂലം കാലുകള്‍ രണ്ടും നീരുവന്ന അവസ്ഥയിലും തലയ്‌ക്ക് പിന്നില്‍ അടി കിട്ടിയിട്ട് മൂക്കിലും വായിലും കൂടി രക്തം വന്ന് ഒരാഴ്ചയായി കിടപ്പിലാണെന്നും അറിയിച്ചിരുന്നു.
ഇതിനോടൊപ്പം എത്രയും വേഗം തന്നെ ഇവിടെനിന്നും രക്ഷിച്ചില്ലെങ്കില്‍ ഈ അറബികള്‍ തന്നെ കൊല്ലുമെന്നും പറഞ്ഞിരുന്നു. വിദേശകാര്യ മന്ത്രാലയം ഇടപെടുമെന്ന പ്രതീക്ഷയിലാാ
ണ് മാത്യുവിന്റെ കുടുംബം.
