സത്യം ബ്രവീമി പരലോകഹിതം ബ്രവീമി
സാരം ബ്രവീമ്യുപനിഷദ്ധ്യദയം ബ്രവീമി
സംസാരമുല്ബണമസാരമവാപ്യ ജന്തോഃ
സാരോയളമീശ്വര പദാംബുരഹസ്യ സേവാ
നോ നാര്ച്ചയന്തി ഗിരിശം സമയേ പ്രദോഷേ
യേ നാര്ച്ചിതം ശിവമപി പ്രണമന്തിചാന്യേ
ഏതത് കഥാം ശ്രുതിപുടൈഃ ന പിബന്തി മൂഢാഃ
തേ ജന്മജന്മസു ഭവന്തി നരാഃ ദരിദ്രാഃ
യേ വൈ പ്രദോഷ സമയേ പരമേശ്വരസ്യ
കുര്വ്വന്ത്യനന്യ മനസോളങ് ഘ്രി സരോജ പൂജാം
നിത്യം പ്രവൃദ്ധ ധനധാന്യകളത്ര പുത്ര
സൗഭാഗ്യ സംപദധികാസ്ത ഇഹൈവലോകേ
കൈലാസശൈലഭവനേ ത്രിജഗജ്ജനിത്രീം
ഗൗരീം നിവേശ്യ കനകാഞ്ചിത രത്നപീഠേ
നൃത്യം വിധാതുമഭിവാഞ്ഛതി ശൂല പാണൗ
ദേവാഃ പ്രദോഷസമയേ നു ഭജന്തി സര്വേ
വാഗ്ദേവീ ധൃതവല്ലകീ ശതമഖോ
വേണും ദധത് പത്മജഃ
താലോന്നിദ്രകരാ രമാ ഭഗവതീ
ഗേയ പ്രയോഗാന്വിതാ
വിഷ്ണും സാന്ദ്രമൃദംഗവാദനപടുഃ
ദേവാഃസമന്താത് സ്ഥിതാഃ
സേവന്തേ തമനു പ്രദോഷസമയേ
ദേവം മൃഡാനീപതിം
ഗന്ധര്വ്വയക്ഷപതഗോരഗസിദ്ധസാധ്യ-
വിദ്യാധരാമരവശാപ്സരസാം ഗണാശ്ച
യേളന്യേ ത്രിലോകനിലയാഃ സഹഭൂത വര്ഗാഃ
പ്രാപ്തേ പ്രദോഷസമയേ ഹര പാര്ശ്വസംസ്ഥാഃ
അതഃ പ്രദോഷേ ശിവ ഏക ഇവ
പൂജ്യോളഥ നാന്യേ ഹരിപത്മജാദ്യാഃ
തസ്മിന് മഹേശേ വിധിനേജ്യമാനേ
സര്വേ പ്രസീദന്തി സുരാധിനാഥാഃ
