തിരുവനന്തപുരം : ശ്രീകാര്യത്ത് ആര്എസ്എസ് കാര്യവാഹ് രാജേഷിനെ വെട്ടിക്കൊന്നതില് പ്രതിഷേധിച്ച് സംസ്ഥാനവ്യാപകമായി ബിജെപി ആഹ്വാനം ചെയ്ത ഹര്ത്താല് തുടരുന്നു. ഹര്ത്താര് പൊതുവേ സമാധാനപരം. ഇതുവരെ അക്രമ സംഭവങ്ങളൊന്നും റിപ്പോര്ട്ട് ചെയ്തിട്ടില്ല.
സ്വകാര്യ വാഹനങ്ങള് നിരത്തിലിറങ്ങി. ഓട്ടോ, ടാക്സി, സ്വകാര്യ ബസുകള് തുടങ്ങിയവയും നിരത്തില് നിന്ന് ഒഴിഞ്ഞുനിന്നു. കെഎസ്ആര്ടിസി ദീര്ഘദൂര സര്വീസുകള് മാത്രമാണ് നടത്തുന്നത്. രാവിലെ ആറു മുതല് വൈകിട്ട് ആറു വരെയാണ് ഹര്ത്താല്.
തിരുവനന്ത ശ്രീകാര്യം കല്ലമ്പള്ളി വിനായക നഗര് കുന്നില് വീട്ടില് രാജേഷിനെയാണ് ശനിയാഴ്ച രാത്രി ഒമ്പത് മണിക്ക് വെട്ടിക്കൊന്നത്. വിനായക നഗറിലെ ഗൗരി സ്റ്റോറില് പാല് വാങ്ങവേ കടയുടെ മുന്നിലിട്ടാണ് സിപിഎം, ഡിവൈഎഫ്ഐ ഗുണ്ടകളായ മണിക്കുട്ടന്റെ നേതൃത്വത്തില് പ്രജീത്ത്, എബി, സിബി, അഖില് എന്നിവരടങ്ങുന്ന സംഘം ആക്രമിച്ചത്. സ്ഥലത്ത് ഭീകാരാന്തരീക്ഷം സൃഷ്ടിച്ചശേഷം അക്രമിസംഘം രാജേഷിനെ വെട്ടുകയായിരുന്നു.
ഇരുകാലുകളില് ഉള്പ്പെടെ ശരീരത്തിലും നാല്പതോളം വെട്ടേറ്റ് രക്തം വാര്ന്ന നിലയില് ഗുരുതരാവസ്ഥയില് റോഡില് കിടന്ന രാജേഷിനെ നാട്ടുകാര് അറിയിച്ചതിനെ തുടര്ന്ന് സ്ഥലത്തെത്തിയ ശ്രീകാര്യം പോലീസാണ് മെഡിക്കല് കോളേജ് ആശുപത്രിയില് എത്തിച്ചത്. അവിടെ നിന്നും സ്വകാര്യ ആശുപത്രിയിലേക്ക് മാറ്റിയെങ്കിലും രാത്രി പത്തരയോടു കൂടി രാജേഷിന് അന്ത്യം സംഭവിച്ചു.
