തിരുവനന്തപുരം : സിപിഎം-ഡിവൈഎഫ്ഐ സംഘം ആര്എസ്എസ് കാര്യവാഹിനെ വെട്ടിക്കൊന്നു. ശാഖകഴിഞ്ഞ് മടങ്ങിയ ശ്രീകാര്യം ഇടവക്കോട് ശാഖാ കാര്യവാഹ് കല്ലമ്പള്ളി വിനായക നഗര് കുന്നില് വീട്ടില് രാജേഷി(34)നെയാണ് വെട്ടിക്കൊന്നത്. ബൈക്കിലും ഓട്ടോയിലുമെത്തിയ പതിനഞ്ചംഗ സംഘം ഇന്നലെ രാത്രി ഒമ്പത് മണിയോടെയാണ് രാജേഷിന്റെ കൈവെട്ടിമാറ്റി സമീപത്തെ പുരയിടത്തില് എറിഞ്ഞത്. മെഡിക്കല് കോളേജില് എത്തിച്ചെങ്കിലും പത്തരയോടെ മരണമടഞ്ഞു.രാജേഷിന്റെ ശരീരത്തില് നാല്പതിലേറെ വെട്ടുകളുണ്ട്.
വിനായക നഗറിലെ ഗൗരി സ്റ്റോറില് പാല് വാങ്ങവേ കടയുടെ മുന്നിലിട്ടാണ് സിപിഎം, ഡിവൈഎഫ്ഐ ഗുണ്ടകളായ മണിക്കുട്ടന്റെ നേതൃത്വത്തില് പ്രജീത്ത്, എബി, സിബി, അഖില് എന്നിവരടങ്ങുന്ന സംഘം ആക്രമിച്ചത്. സ്ഥലത്ത് ഭീകാരാന്തരീക്ഷം സൃഷ്ടിച്ചശേഷം അക്രമിസംഘം രാജേഷിനെ വെട്ടുകയായിരുന്നു.
വലതു കൈ വെട്ടി മാറ്റി അടുത്ത പറമ്പിലേയ്ക്ക് വലിച്ചെറിഞ്ഞു. ഇരുകാലുകളില് ഉള്പ്പെടെ ശരീരത്തിലും നാല്പതോളം വെട്ടേറ്റ് രക്തം വാര്ന്ന നിലയില് ഗുരുതരാവസ്ഥയില് റോഡില് കിടന്ന രാജേഷിനെ നാട്ടുകാര് അറിയിച്ചതിനെ തുടര്ന്ന് സ്ഥലത്തെത്തിയ ശ്രീകാര്യം പോലീസാണ് മെഡിക്കല് കോളേജ് ആശുപത്രിയില് എത്തിച്ചത്. അവിടെ നിന്നും സ്വകാര്യ ആശിപത്രിയിലേക്ക് മാറ്റിയെങ്കിലും രാത്രി പത്തരയോടു കൂടി രാജേഷിന് അന്ത്യം സംഭവിച്ചു.
രണ്ടാഴ്ച മുമ്പ്് മണിക്കുട്ടനും സംഘവും കല്ലമ്പള്ളിയില് ബിജെപി പ്രവര്ത്തകന്റെ വീടാക്രമിച്ചിരുന്നു ഇതിനെതിരെ പോലീസില് പരാതി നല്കിയിരുന്നുവെങ്കിലും മണിക്കുട്ടനെയും സംഘത്തെയും പോലീസ് പിടികൂടിയില്ല. സ്ഥലത്ത് കഴക്കൂട്ടം സൈബര് സിറ്റി അസിസ്റ്റന്റ് കമ്മീഷണര് പ്രമോദ് കുമാറിന്റെ നേതൃത്വത്തിലുള്ള വന് സംഘം ക്യാമ്പ് ചെയ്യുന്നു. സിറ്റി പോലീസ് കമ്മീഷണര് സ്പര്ജന് കുമാര് ഉള്പ്പെടെയുള്ള ഉന്നത ഉദ്യോഗസ്ഥര് സ്ഥലത്തെത്തിയിട്ടുണ്ട്. സംഭവത്തില് പ്രതിഷേധിച്ച് ഇന്ന് സംസ്ഥാനത്ത് ബിജെപി ഹര്ത്താല് പ്രഖ്യാപിച്ചു.
സുദര്ശനനാണ് രാജേഷിന്റെ അച്ഛന്. ലളിത അമ്മ. റീനയാണ് ഭാര്യ. ആദിത്യന്, അഭിഷേക് മക്കള്.
