കോഴിക്കോട്: എച്ച്ഡിഎഫ്സി മാനേജ്മെന്റിന്റെ തൊഴിലാളി ദ്രോഹ നടപടികള് അവസാനിപ്പിക്കണമെന്ന് ബിഎംഎസ് സംസ്ഥാന സെക്രട്ടറി പി. ശശിധരന് ആവശ്യപ്പെട്ടു. പിരിച്ചുവിട്ട തൊഴിലാളികളെ തിരിച്ചെടുക്കുക, മാനേജ്മെന്റ് നീതി പാലിക്കുക എന്നീ ആവശ്യങ്ങള് ഉന്നയിച്ച് എച്ച്ഡിഎഫ്സി ലൈഫ് ഓഫീസിനു മുന്നില് ബിഎംഎസ് കോഴിക്കോട് ജില്ലാ സമിതിയുടെ ആഭിമുഖ്യത്തില് നടത്തിയ ഉപരോധം ഉദ്ഘാടനം ചെയ്തു സംസാരിക്കുകയായിരുന്നു അദ്ദേഹം.
രാജ്യത്ത് നിലവിലുള്ള തൊഴില് നിയമങ്ങളുടെ നഗ്നമായ ലംഘനമാണ് മാനേജ്മെന്റ് നടത്തുന്നത്. തൊഴിലാളി സംഘടനാ പ്രവര്ത്തനം നടത്തി എന്ന പേരില് തൊഴിലാളികളെ പിരിച്ചുവിടുന്നത് ഒരുതരത്തിലും ന്യായീകരിക്കാനാവാത്തതാണെന്നും അദ്ദേഹം കൂട്ടിച്ചേര്ത്തു.
ബിഎംഎസ് ജില്ലാ പ്രസിഡന്റ് ഇ. ദിവാകരന് അദ്ധ്യക്ഷത വഹിച്ചു. ബിഎംഎസ് ജില്ലാ സെക്രട്ടറി ഒ.കെ. ധര്മ്മരാജ്, സി. പി. ഗോപീകൃഷ്ണന്, പി. പരമേശ്വരന്, അരിക്കോത്ത് രാജന്, കെ. ഉല്ലാസ്, കെ.കെ. പ്രേമന്, സി.പി. രാജേഷ്, പ്രജീഷ് പെരുമണ്ണ എന്നിവര് സംസാരിച്ചു. കാളക്കണ്ടി ബാലന്, വി. ചന്ദ്രന്, കെ. ശ്രീകുമാര്, കെ. ജഗത്ത്, എ. ശശീന്ദ്രന് തുടങ്ങിയവര് സമരത്തിന് നേതൃത്വം നല്കി.
