അഹമ്മദാബാദ്: അഹമ്മദാബാദ്-മുംബൈ ബുള്ളറ്റ് ട്രെയിന് പദ്ധതിയുടെ ശിലാസ്ഥാപന ചടങ്ങില് പ്രധാനമന്ത്രി നരേന്ദ്ര മോദിക്കൊപ്പം ജപ്പാന് പ്രധാനമന്ത്രി ഷിന്സോ ആബേയും പങ്കെടുക്കും.
ഒരുലക്ഷം കോടിയുടെ പദ്ധതി സപ്തംബറിലാണ് ആരംഭിക്കുന്നത്. ഇതോടൊപ്പം രണ്ട് ജപ്പാന് വ്യവസായ പാര്ക്കുകളുടെ ഉദ്ഘാടന ചടങ്ങിലും സബര്മതി നദീതീരത്ത് നടക്കുന്ന അന്താരാഷ്ട്ര ബുദ്ധ മഹോത്സവത്തിലും ഇരു പ്രധാനമന്ത്രിമാരും പങ്കെടുക്കും.
ഗുജറാത്ത് ചീഫ് സെക്രട്ടറി ജെ.എന്. സിങ്ങിന്റെ നേതൃത്വത്തിലുള്ള സംഘം നടത്തുന്ന ഒരാഴ്ച നീണ്ടുനില്ക്കുന്ന ജപ്പാന് സന്ദര്ശനത്തില് ഷിന്സോ ആബേയുടെ പ്രഥമ ഗുജറാത്ത് സന്ദര്ശനം സംബന്ധിച്ച് അന്തിമ നടപടിക്രമങ്ങളാകും. ജപ്പാന്റെ സാമ്പത്തിക സഹായത്തോടെയാണ് ബുള്ളറ്റ് ട്രെയിന് പദ്ധതി നടപ്പാക്കുന്നത്. രണ്ട് വ്യവസായപാര്ക്കുകള്ക്കായുള്ള നിക്ഷേപവും ജപ്പാന് നടത്തും.
വിദേശസഹകരണത്തോടെയുള്ള ബുള്ളറ്റ് ട്രെയിന് പദ്ധതി പുരോഗതി റെയില്വേ ബോര്ഡ് ചെയര്മാന് എ.കെ. മിത്തലിന്റെ നേതൃത്വത്തിലുള്ള സംഘം വിലയിരുത്തി.
