വണ്ണപ്പുറം: കടയില് അനധികൃതമായി സൂക്ഷിച്ച പെട്രോള് പിടിച്ചെടുത്തു. ഉടമ ഓടി രക്ഷപ്പെട്ടു. മുള്ളരിങ്ങാട് അമ്പലപ്പടിയില് പച്ചക്കറി കട നടത്തുന്ന ബാസി (50) ആണ് രക്ഷപ്പെട്ടത്. ഇയാളുടെ കടയില് കാനില് സൂക്ഷിച്ചിരുന്ന നിലയില് ഏകദേശം 30 ലിറ്ററോളം പെട്രോള് കാളിയാര് പോലീസ് പിടിച്ചെടുത്തു. സമീപത്ത് പമ്പില്ലാത്തത് മുതലെടുത്തായിരുന്നു വില്പ്പന
ഡിവൈഎസ്പിയ്ക്ക് ലഭിച്ച രഹസ്യവിവരത്തിന്റെ അടിസ്ഥാനത്തില് ഇന്നലെ രാത്രി 7 മണിയോടെയാണ് പോലീസ് കേസ് പിടികൂടുന്നത്. പോലീസ് വാഹനം കടയുടെ മുന്നില് നിര്ത്തുന്നത് കണ്ട് പ്രതി ഓടി രക്ഷപ്പെടുകയായിരുന്നു എന്നാണ് പോലീസ് നല്കുന്ന വിവരം. സംഭവത്തില് കടയുടമയ്ക്കെതിരെ അവശ്യസാധന നിയമ പ്രകാരം കേസെടുത്തു. ഇയാളെ ഉടന് പിടികൂടുമെന്ന് എസ്ഐ ഇന്ചാര്ജ് കുര്യാക്കോസ് പറഞ്ഞു. മുമ്പും മേഖലയില് നിന്നും സമാന രീതിയില് പെട്രോള് പിടൂകൂടിയിട്ടുണ്ട്.
