തിരുവനന്തപുരം: ചൊവ്വാഴ്ച നടന്ന ഉപതെരഞ്ഞെടുപ്പില് ബിജെപിക്ക് നേട്ടം. തിരുവനന്തപുരം മാറനല്ലൂര് പഞ്ചായത്തിലെ ഉപതെരഞ്ഞെടുപ്പ് നടന്ന വാര്ഡ് പിടിച്ചെടുത്തതോടെ പഞ്ചായത്ത് ഭരിക്കാന് ബിജെപിക്ക് അവസരമൊരുങ്ങി. പതിനെട്ട് തദ്ദേശസ്വയംഭരണ വാര്ഡുകളില് നടന്ന ഉപതെരഞ്ഞെടുപ്പില് എല്ഡിഎഫ് പത്തും യുഡിഎഫ് ഏഴും ബിജെപി ഒരു വാര്ഡിലുമാണ് വിജയിച്ചത്.
മാറനല്ലൂര് ഗ്രാമപഞ്ചായത്തിലെ ഊരുട്ടമ്പലം വാര്ഡില് ബിജെപിയുടെ ശ്രീമിഥുന് (മനു) 26 വോട്ടിന്റെ ഭൂരിപക്ഷത്തില് എല്ഡിഎഫില് നിന്ന് ബിജെപി സീറ്റ് പിടിച്ചെടുത്തു. സിപിഎം സ്ഥാനാര്ഥി ദാസന് സാമുവല് മൂന്നാംസ്ഥാനത്തേക്ക് പിന്തള്ളപ്പെട്ടു. കോണ്ഗ്രസ് സ്ഥാനാര്ഥി വി.എ. ഇന്ദുലേഖയാണ് രണ്ടാമത്. യുഡിഎഫും എല്ഡിഎഫും ചേര്ന്ന് ഇവിടെ പഞ്ചായത്ത് ഭരണം അട്ടിമറിക്കുകയായിരുന്നു.
എല്ഡിഎഫ് വിജയിച്ച ജില്ല, വാര്ഡ്, സ്ഥാനാര്ഥി, ഭൂരിപക്ഷം എന്ന ക്രമത്തില്. പത്തനംതിട്ട: കോട്ടാങ്ങല്-കോട്ടാങ്ങല് കിഴക്ക്-എബിന് ബാബു-102, കോട്ടയം: ഉദയനാപുരം-വാഴമന-രശ്മി-277, കല്ലറ-കല്ലറ പഴയപള്ളി-അര്ച്ചന രവീന്ദ്രന്-89, പാമ്പാടി-നൊങ്ങല്-റൂബി തോമസ്-21, തൃശൂര്: മാള-പതിയാരി-കെ.സി.രഘുനാഥന്-221, പാലക്കാട്: കൊടുവായൂര്-ചാന്തിരുത്തി-സി.എം. പത്മകൃഷ്ണന്-224, മലപ്പുറം: എടക്കര-പള്ളിപ്പടി-എം.കെ.ചന്ദ്രന്-6, വയനാട്: നൂല്പ്പുഴ- കല്ലുമുക്ക്-ഷീന-165, കണ്ണൂര്: തലശ്ശേരി ബ്ലോക്ക് പഞ്ചായത്ത്-ധര്മടം-പി. സീമ-2249. മലപ്പുറം തലക്കാട് ഗ്രാമ പഞ്ചായത്തിലെ കാരയില് വാര്ഡില് നൂര്ജഹാന്-77.
യുഡിഎഫ് വിജയിച്ച വാര്ഡുകള് തിരുവനന്തപുരം: അമ്പൂരി-പി.എസ്.നൈനാന്-61, കണ്ണൂര്: പയ്യാവൂര്-ചമതച്ചാല്-ജയന് മല്ലിശ്ശേരി-312, മൂര്ക്കനാട്-കൊളത്തൂര് പലകപ്പറമ്പ്-കെ.പി.ഹംസ മാസ്റ്റര്-138, ആലപ്പുഴ:ഹരിപ്പാട് ബ്ലോക്ക് പഞ്ചായത്ത്-തൃക്കുന്നപ്പുഴ-ശ്രീകല-147, മലപ്പുറം: കോട്ടയ്ക്കല് നഗരസഭ-ചീനംപുത്തൂര്-എം.ഗിരിജ-147, കോഴിക്കോട്: ഫറോക്ക് നഗരസഭ-കോട്ടപ്പാടം-ഇ.കെ.താഹിറ-156. കാസര്ഗോഡ് നഗരസഭയിലെ കടപ്പുറം സൗത്ത് വാര്ഡ് എസ്. റഹ്ന 84 വോട്ടിന്റെ ഭൂരിപക്ഷം നേടി ബിജെപിയില് നിന്ന് സീറ്റ് പിടിച്ചെടുത്തു.
