എരുമേലി: ഉപലോകായുക്ത കോടതി ഉത്തരവിട്ട് ഒരു മാസത്തോളമായിട്ടും എരുമേലി സാമൂഹികാരോഗ്യ കേന്ദ്രത്തിലെ ഐസി യൂണിറ്റിന്റെ പ്രവര്ത്തനം ആരംഭിക്കാന് ആരോഗ്യവകുപ്പിന് കഴിയുന്നില്ല. ഉത്തരവ് നടപ്പിലാക്കാമെന്ന് ആരോഗ്യവകുപ്പ് ഉപലോകായുക്തയുടെ സിറ്റിംഗില് ഉറപ്പ് നല്കിയതുമാണ്. എന്നാല് പ്രശ്നമായത് ജീവനക്കാരെ നിയമിക്കാന് വൈകുന്നതാണ്.
കാര്ഡിയോളജി ഉള്പ്പെടെയുളള ഡോക്ടര്മാരെയും ആനുപാതികമായ എണ്ണം നഴ്സുമാരെയും തല്ക്കാലത്തേക്ക് നിയമിച്ച് എങ്ങനെയെങ്കിലും യൂണിറ്റ് തുറക്കാമെന്നാണ് ആരോഗ്യവകുപ്പ് പ്രതീക്ഷിച്ചത്. ഇതിനായി താല്കാലികാടിസ്ഥാനത്തിലും കരാര് വ്യവസ്ഥയിലും നിയമിക്കാനായി ശ്രമിച്ചത് പരാജയപ്പെടുകയായിരുന്നു.
പുതിയ തസ്തികകളൊന്നു സൃഷ്ടിക്കാതെ ദിവസ വേതനം നല്കി എന്ആര്എച്ച്എം വഴി താല്ക്കാലികമായി നിയമനം നടത്തി ഐ സി യൂണിറ്റിന്റെ പ്രവര്ത്തനം ആരംഭിക്കാനായിരുന്നു നീക്കം. ഇന്റ്റര്വ്യൂവിന് ക്ഷണിച്ചിട്ടും യോഗ്യരായ ഉദ്യോഗാര്ത്ഥികള് എത്തിയില്ലെന്ന് അധികൃതര് പറയുന്നു.
പിഎസ്സി വഴി നിയമനം നടത്താന് കഴിയില്ലാത്തതാണ് പ്രതിസന്ധിയായത്. നിലവില് എരുമേലിയിലെ ഐസി യൂണിറ്റിന്റെ പേരില് ഒരു തസ്തിക പോലും ആരോഗ്യവകുപ്പിലില്ല. തസ്തികകളും നിയമനങ്ങളുമില്ലാതെ ഐ സി യൂണിറ്റ് ശബരിമല സീസണില് മാത്രം സീസണ് ഡ്യൂട്ടിക്കെത്തുന്ന ഡോക്ടര്മാരുടെ സേവനം ഉപയോഗപ്പെടുത്തി പ്രവര്ത്തിപ്പിക്കാനായാണ് നിലവില് സര്ക്കാര് ഉത്തരവുളളത്.
ഇത് മാറ്റി പുതിയ ഉത്തരവിടാതെ യൂണിറ്റിലേക്ക് നിയമനം നടത്താന് കഴിയില്ല. പുതിയ ഉത്തരവിടുന്നതിന് മുന്പ് യൂണിറ്റിലേക്ക് തസ്തികകള് സൃഷ്ടിക്കേണ്ടിവരും ഇത് സര്ക്കാരിന് അധിക ബാധ്യതയാകുമെന്നുളളത് മുന്നിര്ത്തിയാണ് താല്ക്കാലിക നിയമനത്തിലൂടെ യൂണിറ്റ് പ്രവര്ത്തിപ്പിക്കാന് ശ്രമിച്ചുകൊണ്ടിരിക്കുന്നത്. അടുത്ത മാസം രണ്ടിന് ഉപലോകായുക്തയില് ഹര്ജി വീണ്ടും സിറ്റിംഗിനെത്തുന്നുണ്ട്. അതിന് മുന്പ് താല്കാലിക നിയമനത്തിലൂടെ ഐ സി യൂണിറ്റ് പ്രവര്ത്തനം തുടങ്ങാനാകുമെന്ന പ്രതീക്ഷയിലാണ് അധികൃതര്. ആശുപത്രി മാറും. കിടത്തിചികിത്സയും 24 മണിക്കൂര് സേവനവും എരുമേലിയിലില്ല. പകല് സമയ ഓ പി പരിശോധന മാത്രമാണുളളത്. രാത്രിയില് പ്രവര്ത്തനമില്ല. എന്നാല് കിടത്തിചികിത്സക്കാവശ്യമായതിലും കൂടുതല് കെട്ടിട സൗകര്യങ്ങളുണ്ട്.
