ചിറയിന്കീഴ്: അഴൂര് പരിസര പ്രദേശത്ത് വീടുകള് അടിച്ച് തകര്ക്കുകയും നിരവധിപേരെ അക്രമിക്കുകയും ചെയത് സംഘത്തെ ആയുധങ്ങളുമായി പോലീസ് അറസ്റ്റ് ചെയ്തു. കഴിഞ്ഞ ദിവസം അഴൂര് മേഖലകളില് ഗുണ്ടകള് രണ്ട് ചേരിയായി തിരിഞ്ഞ് അക്രമം നടത്തിയിരുന്നു. ഈ അക്രമത്തില് നിരവധി വീടുകള്ക്കും നാശനഷ്ടവും നിരവധിപേര്ക്ക് പരിക്കും സംഭവിച്ചു. ഈ കേസിലെ പ്രതികളെയാണ് ഇന്നലെ അറസ്റ്റ് ചെയ്തത്. തിരുവനന്തപുരം ജില്ല പോലീസ് മേധാവിയുടെ നേതൃത്വത്തില് പ്രത്യേക അന്വേഷണ സംഘമാണ് പ്രതികളെ പിടകൂടിയത്.
അഴൂര് ഭഗവതിക്ഷേത്രത്തിന് സമീപം വിളവീട്ടില് ഒട്ടകം രാജേഷ് എന്ന് വിളിക്കുന്ന രജേഷ്(30), മേല്തോന്നയ്ക്കല് വില്ലേജില് ഇടയാവണത്ത് കൈതറ വീട്ടില് ദീപു(28), മേലേതോന്നയ്ക്കല് വില്ലേജില് സാരങ്കിനഗറില് സരോപരം വീട്ടില് വിഷ്ണു(18), വെയ്ലൂര് വില്ലേജില് ചെമ്പകമംഗലത്ത് ബീനാഭവനില് തുളസി ഭവനില് ജിത്തു(23), അഴൂര് വങ്കാളമുക്ക് അനീഷ് വിലാസത്തില് കാക്കാച്ചി അനീഷ് എന്ന് വിളിക്കുന്ന അനീഷ്(32), മേല് തോന്നയ്ക്കല് പൊയ്കയില് ചാരുംമൂട്ടില് വീട്ടില് സച്ചില്(28)എന്നിവരെയാണ് പോലീസ് അറസ്റ്റ് ചെയ്തത്.
സംഘത്തില് നിന്ന് 23 നാടന് ബോബുകളും ആറ് വടിവാളുകളും കണ്ടെടുത്തു. വീണ്ടും വീടുകള് അക്രമിക്കുന്നതിനുളള തൈയ്യാറെടുപ്പിനിടെയാണ് പോലീസ് സംഘത്തെ പിടികൂടിയത്. പിടികൂടാന് ശ്രമിക്കുന്നതിനിടെ സംഘം പോലീസിനെ അക്രമിച്ചു. അക്രമത്തില് പോലീസ് ഉദ്യോഗസ്ഥര്ക്കും പരിക്കേറ്റു.
