മട്ടന്നൂര്: നഗരസഭയുടെ പഴശ്ശിരാജാ സ്മാരകത്തില് ചുമര്ചിത്ര പ്രകാശനം വെള്ളിയാഴ്ച നടക്കുമെന്ന് നഗരസഭ ചെയര്മാന് കെ.ഭാസ്കരന് മാസ്റ്റര് വാര്ത്താസമ്മേളനത്തില് അറിയിച്ചു. പഴശ്ശി വെസ്റ്റ് യുപി സ്കൂളില് നടക്കുന്ന ചടങ്ങ് സാഹിത്യകാരന് എം മുകുന്ദന് ഉദ്ഘാടനം ചെയ്യും. ചിത്രകാരന് കെ കെ മാരാര്, ഡോ. ജോസഫ് സ്കറിയ എന്നിവര് മുഖ്യാതിഥികളായിരിക്കും.
മുഴക്കുന്ന് ക്ഷേത്രത്തിന്റെ ചിത്രത്തിലൂടെ ആരംഭിക്കുന്ന രചനയില് തലയ്ക്കല് ചന്തു, കൈതേരി അമ്പു, കപ്പള്ളി കണാര മേനോന്, കുറിച്ച്യ പടയാളികള് തുടങ്ങി പഴശ്ശി ചരിത്രത്തിലെ പ്രമുഖരെല്ലാം ഇടംപിടിച്ചിട്ടുണ്ട്. പഴശ്ശി കോട്ട തകര്ക്കുന്ന ചിത്രത്തിലൂടെ ചുമര്ചിത്രം അവസാനിക്കുന്നു.
വാര്ത്താസമ്മേളനത്തില് കെ.ശോഭന, വി.ദാമോദരന്, അനിതാ വേണു, ഷാഹിനാ സത്യന്, എ.കെ.സുരേഷ് കുമാര് എന്നിവരും പങ്കെടുത്തു.
