കണ്ണൂര്: കണ്ണൂര് നഗരസഭ കേര്പ്പറേഷനായി മാറിയിട്ടും കണ്ണൂര് പട്ടണത്തിന് യാതൊരുവിധ വികസന പുരോഗതിയും ഉണ്ടാക്കത്തതിനാല് കണ്ണൂര് കോര്പ്പറേഷന് പിരിച്ചുവിടണമന്നാവശ്യപ്പെട്ടുകൊണ്ട് വിശ്വഹിന്ദുപരിഷത്ത് കണ്ണൂര് മണ്ഡലം ജനറല് സെക്രട്ടറി പി.കന്യലാല് ജില്ലാ കലക്ടര്ക്ക് നിവേദനം നല്കി.
നഗരങ്ങളില് തെരുവ്നായ ശല്യംകൂടിയിട്ടും മാലിന്യ ശുചീകരണമില്ലാത്തതിനാല് പകര്ച്ചവ്യാധികള് വ്യാപിച്ചിട്ടും വേണ്ട നടപടികളെടുക്കാത്തതും വഴിയോരങ്ങളിലെ പരസ്യബോര്ഡുകള് മാറ്റാന്വേണ്ടി ജില്ലാ കലക്ടറുടെ ഉത്തരവുണ്ടായിട്ടും നടപടിയെടുക്കാത്തതുകൊണ്ടും കണ്ണൂര് കോര്പ്പറേഷന് എത്രയും വേഗം പിരിച്ചുവിടണമെന്നും നിവേദനത്തില് കന്യലാല് ആവശ്യപ്പെട്ടു.
കാല്ടെക്സ് ജംഗ്ഷനിലെ ട്രാഫിക് സിഗ്നലുകള് അശാസ്ത്രീയമായി സംവിധാനം ചെയ്ത് ഘടിപ്പിച്ച പരസ്യബോര്ഡിന് പകരം ദിശാബോര്ഡ് സ്ഥാപിക്കണമെന്നാവശ്യപ്പെട്ടുകൊണ്ട് സിഗ്നല് പോസ്റ്റിന് മുകളില് കയറി സൂചനാ നിരാഹാര സമരം നടത്തിയപ്പോള് ഫയര്സര്വ്വീസും പോലീസുകാരും അനുനയിപ്പിച്ച് താഴെയിറക്കിച്ച് സമരം ഒത്തുതീര്പ്പാക്കിയിരുന്നു. ട്രാഫിക് സിഗാനല് പോസ്റ്റിന് മുകളില് ഇപ്പോള് കാണുന്ന പരസ്യബോര്ഡിന് പകരം ദിശാബോര്ഡ് സ്ഥാപിക്കാന് അധികൃതര് വേണ്ട നടപടിയെടുക്കണമെന്നും ഇല്ലെങ്കില് വരും ദിവസം ട്രാഫിക് സിഗ്നല് പോസ്റ്റിന് മുകളില് കയറി മരിച്ചുവീഴുന്നത്വരെ നിരാഹാര സമരം നടത്തുമെന്നും കന്യലാല് അറിയിച്ചു.
