അടിമാലി: തൊഴിലുറപ്പ് തൊഴിലാളികളുടെ മേല് വീടിന്റെ ചുമര് ഇടിഞ്ഞുവീണ് 13 തൊഴിലാളികള്ക്ക് പരിക്ക്.
അടിമാലി ഗ്രാമ പഞ്ചായത്തിലെ വാളറ ഡിവിഷനില് മുടിപ്പാറ
ച്ചാലില് താമസക്കാരായ ഏലത്താനത്ത് തങ്കമ്മ ശിവരാമന്(68), കദളിക്കണ്ടത്തില് ഏലിയാമ്മ മാത്തപ്പന്(65), കണ്ടത്തിന്കരയില് സരസുഗോപി(61), താഴത്ത് വീട്ടില് ശോഭ രാജന്(45), പുതിയവട്ടേല് പുഷ്പ രാമചന്ദ്രന്(48), പുത്തന്കണ്ടത്തില് ചിന്നമ്മ പാപ്പച്ചന്(65), കണ്ടശാന്കുന്നേല് സിന്ധു ദാസ്(36), പുത്തന്വീട്ടില് ബിന്ദുവില്സണ് (39), കാഞ്ഞിരക്കാട്ട് ജോസ് ആന്റണി(57) ഭാര്യ മേരി (52), പറമ്പില് സൗമ്യ രാജേഷ്(33), പുത്തന്കണ്ടത്തില് ജയ്മോള് വിനോദ് (31), ഈട്ടിക്കല് ഉഷജോസ്(48) എന്നിവര്ക്കാണ് പരിക്കേറ്റത്. ഇവരെ അടിമാലി താലൂക്കാശുപത്രിയില് പ്രവേശിപ്പിച്ചു. ഇന്നലെ 3 മണിയോടെയാണ് സംഭവം.
21 തൊഴിലുറപ്പ് തൊഴിലാളികള് മുടിപ്പാറചാലിലെ ഹനീഫ മൗലവിയുടെ പുരയിടത്തില് ജോലി ചെയ്യുന്നതിനിടെ കനത്ത മഴ പെയ്തു. മഴ നനയാതിരിക്കാന് കൂട്ടത്തോടെ ഉപയോഗശൂന്യമായതും മേല്കൂര ഭാഗീകമായി ഇല്ലാത്തതുമായ കെട്ടിടത്തില് കയറിനിന്നു.
മഴക്കൊപ്പം വീശിയടിച്ച കാറ്റില് കെട്ടിടത്തിന്റെ ചുമര് തൊഴിലാളികളുടെ മേല് ഇടിഞ്ഞ് വീഴുകയായിരുന്നു. പത്തോളം പേര് ചുമരിന് അടിയില് അകപ്പെടുകയും ചെയ്തു. ബാക്കിയുളളവര്ക്ക് കട്ട ദേഹത്ത് വീണ് പരിക്കേറ്റെങ്കിലും പെട്ടെന്ന് ചുമരിനിടിയില് പെട്ടവരെ രക്ഷിച്ചതിനാല് അത്യാഹിതം ഒഴിവാകുകയായിരുന്നു. ആരുടെയും പരിക്ക് ഗുരുതരമല്ലെന്ന് ആശുപത്രി അധികൃതര് പറഞ്ഞു.
