ഇരിക്കൂര്: പെരുമണ്ണ് ശ്രീ ചുഴലി ഭഗവതിക്ഷേത്രത്തില് നവീകരണ കലശവും പുനഃപ്രതിഷ്ഠയും ഇന്ന് മുതല് ജൂലൈ 6 വരെ നടക്കും. ഉത്സവ ദിവസങ്ങളില് വിശേഷ പൂജകളും സമ്മേളനങ്ങളും കലാപരിപാടികളും ഉണ്ടാകും. ജൂലൈ 5ന് ഉച്ചക്ക് 12.10 മുതല് 1.13 വരെ പുനഃപ്രതിഷ്ഠയും 6ന് ദ്രവ്യകലശവും നടക്കും. ഇന്ന് വൈകുന്നേരം 4ന് കലവറനിറക്കല് ഘോഷയാത്ര, 5 മണിക്ക് പത്മശ്രീ മട്ടന്നൂര് ശങ്കരന്കുട്ടി മാരാര്, ശ്രീകാന്ത് മാരാര്, ശ്രീരാജ് മാരാര് എന്നിവര് നയിക്കുന്ന തൃത്തായമ്പക, തുടര്ന്ന് ആദരസഭ എന്നിവ നടക്കും.
നാളെ 6.45ന് കെ.കെ.ചൂളിയാട് മാസ്റ്ററുടെ ആധ്യാത്മിക പ്രഭാഷണം, ഭക്തിഗാനസുധ എന്നിവയും 30ന് ഇരട്ടത്തായമ്പക, തിരുവാതിര, ആധ്യാത്മിക പ്രഭാഷണം, നൃത്തസന്ധ്യ, ജൂലൈ 1ന് തിരുവാതിര, അധ്യാത്മിക പ്രഭാഷണം, നൃത്തനൃത്ത്യങ്ങള്, 2ന് രാവിലെ 6.30 മുതല് ശ്രീമത് ദേവീ ഭാഗവത മനനസത്രം, 9 മണിക്ക് ദേവീമാഹാത്മ്യ പ്രഭാഷണം, വൈകുന്നേരം 5 മണിമുതല് സാംസ്കാരിക സമ്മേളനം എന്നിവയുണ്ടാകും. സാംസ്കാരിക സമ്മേളനം ദേവസ്വം മന്ത്രി കടകംപള്ളി സുരേന്ദ്രന് ഉദ്ഘാടനം ചെയ്യും. ഇ.പി.ജയരാജന് എംഎല്എ, അഡ്വ.സണ്ണിജോസഫ് എംഎല്എ, വത്സന് തില്ലങ്കേരി, കാഞ്ഞങ്ങാട് രാമചന്ദ്രന് എന്നിവര് പങ്കെടുക്കും. ചടങ്ങില് ആദരണം, അനുമോദനം തുടര്ന്ന്, തിരുവാതിര, പ്രഭാഷണം, ഓട്ടന്തുള്ളല് എന്നിവയുണ്ടാകും.
3ന് വൈകുന്നേരം തിരുവാതിര, പ്രഭാഷണം, ഭക്തിഗാനസന്ധ്യ, 4ന് അഖണ്ഡനാമപാരായണം, തിരുവാതിര, പ്രഭാഷണം, നൃത്തനൃത്ത്യങ്ങള്, 5ന് ഉച്ചക്ക് പുനഃപ്രതിഷ്ഠ, വൈകുന്നേരം തിരുവാതിര, പ്രഭാഷണം, 6ന് തിരുവാതിര, പ്രഭാഷണം, നൃത്തനൃത്ത്യങ്ങള് എന്നിവയും ഉണ്ടാകും.
