തിരുവനന്തപുരം: മഴക്കാലം ആരംഭിച്ചതോടെ സംസ്ഥാനത്ത് മോഷണം വര്ധിക്കാനുള്ള സാധ്യതയുണ്ടെന്നും അതിനെതിരെ ജാഗ്രത പാലിക്കണമെന്നും സംസ്ഥാന പോലീസ് മേധാവി ഡോ ടി.പി. സെന്കുമാര് പോലീസ് ഉദ്യോഗസ്ഥര്ക്ക് നിര്ദ്ദേശം നല്കി.
തമിഴ്നാട്ടിലെയും മറ്റ് അയല് സംസ്ഥാനങ്ങളിലെയും തിരുട്ടു ഗ്രാമങ്ങള് എന്നറിയപ്പെടുന്ന സ്ഥലങ്ങളില് നിന്ന് നിരവധി പേര് ഈ കാലഘട്ടത്തില് കേരളത്തിലെത്തി വീടുകള് ആക്രമിച്ചും മറ്റും മോഷണങ്ങള് നടത്തുന്ന പതിവുണ്ട്. സ്ഥിരമായി ഇത്തരം മോഷണം നടത്തുന്ന 2200ഓളം പേരുടെ വിവരങ്ങള് കേരള പോലീസ് കോട്ടയം ജില്ലാ പോലീസ് മേധാവി എന്. രാമചന്ദ്രന് മുഖേന ശേഖരിച്ചിട്ടുണ്ട്.
ഈ വിവരങ്ങള് ശേഖരിച്ച് ഇത്തരം മോഷണങ്ങള് സംസ്ഥാനത്ത് ഇല്ലാതാക്കുന്നതിനുള്ള സത്വര നടപടികള് എല്ലാ ജില്ലാ പോലീസ് മേധാവിമാരും സ്വീകരിക്കണമെന്ന് ഡിജിപി നിര്ദ്ദേശിച്ചു.
മോഷണശ്രമങ്ങള്ക്കെതിരെ ജാഗ്രത പുലര്ത്തണമെന്നും അവ തടയുന്നതിനുള്ള നടപടികളില് പോലീസിന് പൂര്ണസഹകരണം നല്കണമെന്നും പൊതുജനങ്ങളോടും ഡിജിപി അഭ്യര്ത്ഥിച്ചു.
