ഇസ്ലാമാബദ്: പാക്കിസ്ഥാന്റെ അതിക്രമങ്ങക്കെതിരേ പാക്ക് അധീനതയിലുളള കാശ്മീരിലെ ജനങ്ങള് തെരുവിലിറങ്ങി പ്രതിഷേധിച്ചു. പൗര സ്വാതന്ത്ര്യവും മൗലിക അവകാശങ്ങളും പാക്ക് അധീന കാശ്മീരിലില്ലെന്ന് സമരക്കാര് ആരോപിച്ചു.
പാകിസ്ഥാന്റെ രഹസ്യാന്വേഷണ വിഭാഗമായ ഐഎസ്ഐയാണ് ഇവിടെ ഭരണംകൈയാളുന്നത്. താഴ്വരയിലെ നിര്ദോഷികളായ ജനങ്ങക്കെതിരേ ഐഎസ്ഐ അക്രമങ്ങള് അഴിച്ചുവിടുകയാണെന്നും സമരക്കാര് പറഞ്ഞു.
പാക്കിസ്ഥാനിലെ റാവല്പിണ്ടിയില് സമരാനുകുലികള് കരിദിനം ആചരിച്ചു. പ്രകടനം നടത്തിയവരെ പോലീസ് തല്ലിച്ചതച്ചു.
അതിനിടെ പാക്കിസ്ഥാനിലെ കാശ്മീര് ദിനാചരണത്തോടനുബന്ധിച്ച് ഇന്തന് സുരക്ഷാ ഏജന്സികള് ജമ്മുകാശ്മീരില് ഇന്നലെ കനത്ത സുരക്ഷയൊരുക്കി. ഭീകരാവാദി ആക്രമണം ഉണ്ടാകാനുളള സാധ്യത കണക്കിലെടുത്താണിത്.
ഹഫീസ് സയ്യദിന്റെ പുതിയ ഭീകരവാദി സംഘടനയായ തെഹ്റീക് ഇ ആസാദി ജമ്മു ആന്ഡ് കാശ്മീര് ശനിയാഴ്ച താഴ്വരയില് പ്രകോപനപരമായ വീഡിയോ പ്രദര്ശിപ്പിച്ചു. യുവാക്കളെ ഇന്ത്യന് സൈന്യത്തിനെതിരേ തിരിക്കുന്നതിനുവേണ്ടിയാണിത്.
ജമാത്ത് ദവയുടെ തലവനായ ഹഫീസ് സയ്യദ് കഴിഞ്ഞ ദിവസമാണ് പുതിയ ഭീകരവാദി സംഘടനയുണ്ടാക്കിയത്. സയ്യദ് ഇപ്പോള് വീട്ടുതടങ്കലിലാണ്.
പാകിസ്ഥാനിലെ ബലൂചിസ്ഥാന്, ലാഹോര്, ഇസ്ലാമാബാദ്, മുസാഫര്ബാദ് എന്നിവിടങ്ങളിലും കാശ്മീര് ദിനം ആചരിച്ചു. കാശ്മീരിന്റെ സ്വാതന്ത്രത്തിനായി പോരാടി മരിച്ചവര്ക്ക് ഐക്യദാര്ഢ്യം പ്രകടിപ്പിച്ച് രാവിലെ പത്തിന് ഒരുമിനുട്ട് മൗനം ആചരിച്ചു.
