തിരുവനന്തപുരം: പുതുവൈപ്പിനില് ഐഒസി പ്ലാന്റിനെതിരെ സമരം നടത്തിയ നാട്ടുകാര്ക്കെതിരെയുള്ള പോലീസിന്റെ ക്രൂരമായ ലാത്തിച്ചാര്ജ് പ്രാകൃതവും നീതീകരിക്കാന് കഴിയാത്തതുമാണെന്ന് പ്രതിപക്ഷ നേതാവ് രമേശ് ചെന്നിത്തല.
സ്ത്രീകള് ഉള്പ്പെടെയുള്ള നാട്ടുകാര്ക്കെതിരെ നിഷ്ഠൂരമായ ബലപ്രയോഗമാണ് നടന്നത്. ജനകീയ സമരങ്ങളെ തോക്കും ലാത്തിയുമുപയോഗിച്ച് അടിച്ചമര്ത്താനാവില്ലെന്ന് സര്ക്കാര് ഓര്ക്കണമെന്നും അദ്ദേഹം പ്രസ്താവനയില് പറഞ്ഞു.
