ഡ്രൈവര് ബന്സനും ചീഫ് ടെക്നീഷ്യന് വിഷ്ണുവും
എയര് ആംബുലന്സിനോടൊപ്പം
ആലപ്പുഴ: എയര് ആംബുലന്സ് വീണ്ടും കുതിച്ചു. അപകടത്തില്പ്പെട്ട രണ്ടര വയസുകാരനെ 45 മിനിറ്റ് കൊണ്ട് സ്വകാര്യ ആശുപത്രിയില് എത്തിച്ച് ജീവന് നിലനിര്ത്തി.
പുന്നപ്ര വടക്ക് പഞ്ചായത്ത് പറവൂര് ഹസീന മന്സില് അര്ഷാദ്-നസ്നി ദമ്പതികളുടെ മകന് മുഹമ്മദ് അഫ്രാനാനെ(25) യാണ് വണ്ടാനം മെഡിക്കല് കോളേജ് ആശുപത്രിയില് നിന്നും 55 മിനിറ്റ് കൊണ്ട് എറണാകുളം ഇടപ്പള്ളിയിലെ സ്വകാര്യ ആശുപത്രിയില് എത്തിച്ചത്.
ഇന്നലെ വൈകിട്ട അഞ്ചോടെ വീടിനുള്ളില് ഓടിക്കളിച്ച അഫ്രാന് നിലത്ത് വീണ് തലയ്ക്ക് ഗുരുതര പരിക്കേല്ക്കുകയായിരുന്നു. വണ്ടാനം മെഡിക്കല് കോളേജ് ആശുപത്രിയില് എത്തിച്ചെങ്കിലും ഒരു മണിക്കൂറിനുള്ളില് കുട്ടിയെ എറണാകുളത്തെ സ്വകാര്യ ആശുപത്രിയില് എത്തിച്ച് അടിയന്തര ശസ്ത്രക്രിയയ്ക്ക് വിധയമാക്കാന് ഡോക്ടറ്ററന്മാര് നിര്ദ്ദേശിയ്ക്കുകയായിരുന്നു.
തുടര്ന്ന് ബന്ധുക്കള് വണ്ടാനം കേന്ദ്രമായി പ്രവര്ത്തിയ്ക്കുന്ന ആധുനിക സവിധാനമുള്ള ലൈഫ് ഷൈന് ആംബുലന്സിന്റെ (എയര് സര്ട്ടിഫിക്കേഷന് ആംബുലന്സ്) സഹായം തേടുകയായിരുന്നു. നവജാജശിശുക്കളെ വരെ ചികിത്സിയ്ക്കാന് സൗകര്യമുള്ളതും അത്യാധുനീക രീതിയിലുള്ള വെന്റിലേറ്റര് സൗകര്യമുള്ള ഈ ആബുലന്സിലാണ് സ്വകാര്യ ആശുപത്രിയില് എത്തിച്ച് അടിയന്തിര ശസ്ത്രക്രിയയ്ക്ക് വിധയമാക്കിയത്.
ഗതാഗത കുരുരുക്ക് ഒഴുവാക്കാന് വണ്ടാനം മെഡിക്കല് കോളേജ് എയ്ഡ് പോസ്റ്റ് പോലീസ് വയര്ലസ് സന്ദേശം നല്കി. പുന്നപ്ര, ആലപ്പുഴസൗത്ത്, നോര്ത്ത് സ്റ്റേഷനിലെ ജീപ്പുകള് അതിര്ത്തികള് വരെ അകമ്പടി സേവിയ്ക്കുകയും തുടര്ന്ന് അരൂരില് നിന്നും എറണാകുളം കണ്ട്രോള് റൂം പോലീസ് ആംബുലന്സിന് അകമ്പടി സേവിച്ച് ഗതാഗതക്കുരുക്ക് ഒഴിവാക്കി.
ഡ്രൈവര് ബന്സന്, ചീഫ് ടെക്നീഷ്യന് വിഷ്ണു എന്നിവരാണ് സാഹസികമായി യഥാസമയം ആംബുലന്സ് എറണാകുളത്ത് എത്തിച്ചത്.
