ഹൈദരാബാദ്: മുതിര്ന്ന ആര്എസ്എസ് പ്രചാരക് രാംഭാവു ഹാല്ദീക്കര് (87)അന്തരിച്ചു. ഹൈദരാബാദിലെ ആര്എസ്എസ് കാര്യാലയമായ ‘കേശവനിലയ’ത്തില് ഉച്ചയ്ക്ക് 12.15 നായിരുന്നു അന്ത്യം.
മഹാരാഷ്ട്രയിലെ സാംബാജി നഗറില്പ്പെടുന്ന ഹാല്ദ ഗ്രാമത്തില് 1930 ഫെബ്രുവരി അഞ്ചിനാണ് രാമചന്ദ്ര സദാശിവ ഹാല്ദീക്കര് ജനിച്ചത്. ഹൈദരാബാദില് ബിഎസ്സിക്ക് പഠിക്കുമ്പോള് ആര്എസ്എസില് ചേര്ന്നു. 1954 ല് പ്രചാരകനായി. 1959-62 കാലയളവില് പാലമൂര്, മേഡക്, നിസാമാബാദ്, ഹൈദരാബാദ് എന്നീ ജില്ലകളുടെ പ്രചാരകനായി പ്രവര്ത്തിച്ചു. 1963 ല് വാറംഗല്, 1969 ല് ഭാഗ്യനഗര്, 1978 ല് വിജയവാഡ വിഭാഗുകളുടെ പ്രചാരകനായി. 1989 ല് ആര്എസ്എസ് ആന്ധ്ര സഹപ്രാന്തപ്രചാരകായ ഹാല്ദീക്കര് 1989 ല് പ്രാന്തപ്രചാരകുമായി.
ആന്ധ്ര, തമിഴ്നാട്, കേരളം, കര്ണാടകം എന്നിവ ദക്ഷിണ ക്ഷേത്രത്തിന്റെ ഭാഗമായിരുന്നപ്പോള് 1990 ല് ഹാല്ദീക്കര് ദക്ഷിണക്ഷേത്ര സഹപ്രചാരകനായി ചുമതലയേറ്റു. 1991 ല് ആന്ധ്രയും ഒറീസയും ഉള്പ്പെടുന്ന ദക്ഷിണപൂര്വ ക്ഷേത്രത്തിന്റെ പ്രചാരകനായി. 2003 മുതല് ദക്ഷിണ മധ്യക്ഷേത്രത്തിന്റെ കാര്യകാരിണി അംഗമായി തുടരുകയായിരുന്നു.
അടുപ്പമുള്ളവര് രാംഭാവു എന്നാണ് അദ്ദേഹത്തെ വിളിച്ചിരുന്നത്. ഇപ്പോഴത്തെ തെലങ്കാന, ആന്ധ്ര എന്നിവിടങ്ങളിലെ നിരവധി സംഘകുടുബങ്ങളുമായി രാംഭാവുജിക്ക് അടുത്തബന്ധമുണ്ടായിരുന്നു.
മറാഠി മാതൃഭാഷയായ രാംഭാവുജി തെലുങ്കുഭാഷ സ്കൂളില് പഠിച്ചിരുന്നില്ല. എന്നിട്ടും നിരവധി മറാഠി പുസ്തകങ്ങള് അദ്ദേഹം തെലുങ്കിലേക്ക് വിവര്ത്തനം ചെയ്തു. ആര്എസ്എസ് സ്ഥാപകനായ ഡോക്ടര് ഹെഡ്ഗേവാര്, രണ്ടാം സര്സംഘചാലക് ഗുരുജി ഗോള്വല്ക്കര്, സര്സംഘചാലകായിരുന്ന ബാലാ സാഹേബ് ദേവറസ് എന്നിവരുടെ ജീവചരിത്രങ്ങളെ ആസ്പദമാക്കിയുള്ള നോവലുകളും ഇതില്പ്പെടുന്നു.
തെലങ്കാനയിലും ആന്ധ്രയിലും ആര്എസ്എസ് പ്രവര്ത്തനം കെട്ടിപ്പടുത്ത രാംഭാവുജി ലക്ഷക്കണക്കിന് സ്വയംസേവകര്ക്ക് സംഘപ്രവര്ത്തനത്തിന് പ്രേരണ നല്കി. സര്സംഘചാലക് മോഹന് ഭാഗവത്, സര്കാര്യവാഹ് സുരേഷ് ജോഷി, സഹസര്കാര്യവാഹ് ദത്താത്രേയ ഹൊസബാളെ, ദക്ഷിണ ക്ഷേത്രീയ പ്രചാരക് സ്ഥാണുമാലയന്, കേരള പ്രാന്തകാര്യവാഹ് പി. ഗോപാലന്കുട്ടി മാസ്റ്റര് തുടങ്ങിയവര് രാംഭാവുജിയുടെ വേര്പാടില് അനുശോചനം രേഖപ്പെടുത്തി.
