പാലക്കാട്: അധികാരത്തിന്റെ ഹുങ്കില് എതിരാളികളെ ഇല്ലാതാക്കുന്ന ഫാസിസ്റ്റ് നയമാണ് സിപിഎം കൈക്കൊള്ളുന്നതെന്ന് ബിജെപി സംസ്ഥാന അധ്യക്ഷന് കുമ്മനം രാജശേഖരന് പറഞ്ഞു.
കഞ്ചിക്കോട് സിപിഎമ്മുകാര് ചുട്ടുകൊന്ന രാധാകൃഷ്ണന്റെയും വിമലാദേവിയുടെയും കുടുംബങ്ങള്ക്കുള്ള സഹായനിധി വിതരണവും വീടിന്റെ താക്കോല് കൈമാറല് ചടങ്ങും നിര്വ്വഹിച്ചു സംസാരിക്കുകയായിരുന്നു അദ്ദേഹം.
ഇതിന്റെ ഭാഗമായാണ് ദല്ഹിയില് ആര്എസ്എസുകാര് യെച്ചൂരിയെ അക്രമിച്ചെന്നു കള്ളപ്രചരണം നടത്തി സംസ്ഥാനമൊട്ടാകെ സിപിഎം കലാപം അഴിച്ചുവിട്ടിരിക്കുന്നത്. കമ്മ്യൂണിസ്റ്റ് പ്രസ്ഥാനം ഉണ്ടാക്കിയവരെ തന്നെ തള്ളിപറഞ്ഞവരാണ് സിപിഎമ്മുകാര്. സംസ്ഥാനത്തുടനീളം സിപിഎമ്മിന്റെ കിരാതവാഴ്ചയാണ.് കയ്യിട്ടുവാരാനും, പണക്കാരനാവാനും, ജന്മിമാരാവാനും മാത്രമേ സിപിഎം നേതാക്കന്മാര്ക്കാവൂ. കേരളത്തില് കൊള്ളലാഭം കൊയ്യുന്ന വന്കിട മാഫിയകളാണ് ഇന്നുസിപിഎമ്മിന്റെ ആരാധ്യപുരുഷന്മാരെന്നും കുമ്മനം പറഞ്ഞു.
സമൂഹത്തില് നിന്നും തുടച്ചുനീക്കപ്പെട്ട അയിത്തോചാരണം സിപിഎം തിരികെ കൊണ്ടുവന്നിരിക്കുകയാണെന്ന് കുമ്മനം ആരോപിച്ചു.
മുതലമട അംബേദ്ക്കര് കോളനിയിലെ പിന്നാക്ക സമുദായക്കാരെ ജാതിവിവേചനത്തിന്റെ പേരില് അകത്തി നിറുത്തിയിരിക്കുകയാണ്.നവോത്ഥാന നായകരുടെ ഏറെ നാളത്തെ പോരാട്ടത്തിനൊടുവില് കേരളത്തില് നിന്നും തുടച്ചുനീക്കിയ അയിത്തത്തെ സിപിഎം പുനസൃഷ്ടിച്ചിരിക്കുകയാണ്. പട്ടികജാതി സംവരണമണ്ഡലത്തില് നിന്നും വിജയിച്ച എംപിയോ, വകുപ്പ് മന്ത്രി എ.കെ.ബാലനോ ഇതുവരെ കോളനി സന്ദര്ശിക്കുകപോലും ചെയ്തിട്ടില്ല.സിപിഎം അയിത്തത്തിനും അനാചാരത്തിനും കൂട്ടുനില്ക്കുകയാണ്. രാഷ്ട്രീയത്തിലും സിപിഎമ്മിന്റെ അയിത്തം തുടരുകയാണെന്നും അദ്ദേഹം കൂട്ടിച്ചേര്ത്തു.
ആര്എസ്എസ് വിഭാഗ് സംഘചാലക് വി.കെ. സോമസുന്ദരന് അധ്യക്ഷതവഹിച്ചു.
ആര്എസ്എസ് വിഭാഗ് സഹകാര്യവാഹ് കെ. വിജയകുമാര് അനുസ്മരണ പ്രഭാഷണം നടത്തി.പാലക്കാട് നഗരസഭ ചെയര്പഴ്സണ് പ്രമീള ശശിധരന്, ബിജെപി സംസ്ഥാന ജില്ലാ നേതാക്കളായ എന്. ശിവരാജന്, ശോഭാസുരേന്ദ്രന്, സി. കൃഷ്ണകുമാര്, പി.വേണുഗോപാല്, അഡ്വ.ഇ. കൃഷ്ണദാസ്, ജില്ലാ സംഘചാലക് എന്.മോഹന്കുമാര്,സഹസംഘചാലക് എം.അരവിന്ദാക്ഷന്,് എന്. ഷണ്മുഖന്, ആര്എസ്എസ് ശാരീരിക് പ്രമുഖ് സി. രവീന്ദ്രന്, എസ്. കണ്ണന് പ്രസംഗിച്ചു.
