കാസര്കോട്: പൊതുവിദ്യാഭ്യാസ വകുപ്പ് സംസ്ഥാനസാക്ഷരതാമിഷന് മുഖേന നടപ്പിലാക്കുന്ന പത്താംതരം, പ്ലസ്ടു തുല്യത കോഴ്സുകളിലേക്ക് രജിസ്ട്രേഷന് ആരംഭിച്ചു. 17 വയസ്സ് പൂര്ത്തിയായ ഏഴാം തരം വിദ്യാഭ്യാസ യോഗ്യതയുളളവര്ക്ക് പത്താംതരം തുല്യതയ്ക്ക് അപേക്ഷിക്കാം. 22 വയസ്സ് പൂര്ത്തിയായ പത്താംതരം പാസായവര്ക്ക് പ്ലസ്ടു പഠനത്തിന് അപേക്ഷിക്കാം.
പഞ്ചായത്ത് പരിധിയിലെ എപിഎല്, ബിപിഎല് വിഭാഗത്തില്പെട്ട വനിതകള്ക്കും ബിപിഎല് വിഭാഗത്തില്പെട്ട പുരുഷന്മാര്ക്കും ഉള്പ്പെടെ രണ്ടു കോഴ്സുകളിലും 50 പേരുടെ ഫീസിനുളള തുക പഞ്ചായത്ത് വകയിരുത്തിയിട്ടുണ്ട്. വിശദ വിവരങ്ങള്ക്ക് തങ്കയത്ത് പ്രവര്ത്തിക്കുന്ന തൃക്കരിപ്പൂര് തുടര്വിദ്യാകേന്ദ്രവുമായോ താഴെകാണുന്ന നമ്പറിലോ ബന്ധപ്പെടണം. ഫോണ് 8330881647, 9656384647.
