പീരുമേട്: വണ്ടിപ്പെരിയാര് പഴയപാലം നാശത്തിന്റെ വക്കില്. പെരിയാര് നദിയില് നിര്മ്മിച്ച പാലത്തിന്റെ അറ്റകുറ്റ പണികള് നടത്താത്തതാണ് പാലത്തെ നാശത്തിന്റെ വക്കിലേക്ക് തള്ളിയിടുന്നത്. 110 വര്ഷംമുമ്പ് പണിതീര്ത്തപാലത്തിലൂടെയാണ് ഇന്നും വാഹനങ്ങള് പോകുന്നത്. ഈ പാലത്തിന്റെ ശോചനീയാവസ്ഥയെ തുടര്ന്നാണ് ഇവിടെ പുതിയപാലം നിര്മ്മിച്ചത്.
പാലത്തിന്റെ നിര്മ്മാണത്തിലെ അപാകരത കാരണം ഇപ്പോഴും പടിഞ്ഞാറുഭാഗങ്ങളിലേക്ക് പോകുന്ന വാഹനങ്ങളും കാല്നടയാത്രക്കാരും മറ്റും പഴയപാലത്തിലൂടെയാണ് കടന്നുപോകുന്നത്. നിലവില് പഴയപാലത്തിന്റെ ഇരുവശങ്ങളിലുമുള്ള കൈവരികള് ഭൂരിഭാഗവും നശിച്ചിരിക്കുകയാണ്. പാലത്തിന്റെ തൂണുകളിലും മറ്റും ആല്മരം വളര്ന്ന് പന്തലിച്ച് നില്ക്കുകയാണ്. പാലത്തിന്റെ അപകടാവസ്ഥ മനസിലാക്കി മുമ്പ് പൊതുമരാമത്ത് വകുപ്പ് 8 ടണ്ണില് കൂടുതല് ഭാരമുള്ള വാഹനങ്ങളുടെ കടന്നുപോക്ക് ഇതുവഴി പാടില്ലെന്ന് പാലത്തിന്റെ ഇരുവശങ്ങളിലും അറിയിപ്പ് ബോര്ഡ് പ്രദര്ശിപ്പിച്ചിരുന്നു. എന്നാല് ഇപ്പോള് ഈ പാലത്തിലൂടെ 40 ടണ് വരെ ഭാരംകയറ്റി നിരവധി വാഹനങ്ങള് കടന്നുപോകുന്നുണ്ട്. പുതിയപാലത്തിന്റെ നിര്മ്മാണത്തിലെ അപാകത പരിഹരിച്ച് പഴയപാലം സ്മാരകമാക്കണമെന്ന ആവശ്യവും ഉയരുന്നുണ്ട്.
