മണ്ണാര്ക്കാട് : സ്വന്തം കൃഷിയിടത്തില് കഞ്ചാവ് വെച്ചുപിടിപ്പിച്ച പാലക്കയം കരിമല സ്വദേശി വാഴപ്പള്ളി വീട്ടില് സുരേഷ്കുമാര്(40) മണ്ണാര്ക്കാട് എക്സൈസ് സബ് ഇന്സ്പെക്ടര് ബി.ഹരികുമാറും സംഘവും പിടികൂടി.
മുക്കാല് ഏക്കര് വരുന്ന കൃഷിസ്ഥലത്ത് വാഴയും കവുങ്ങുമാണ് കൃഷി അതിനിടയില് 190-192 സെന്റീമീറ്റര് വലിപ്പമുള്ള അഞ്ച് മാസത്തോളം പ്രായമായ അഞ്ച് നീലചടയന് ഇനത്തില്പ്പെട്ട കഞ്ചാവ് ചെടികളാണ് പാലക്കാട് എക്സൈസ് കമ്മീഷന് ഓഫീസില് ലഭിച്ച രഹസ്യവിവരത്തെ തുടര്ന്ന് പിടികൂടിയത്. പ്രിവന്റിങ് ഓഫീസര്മാരായ മനോജ്.കെ. ഇ.ജയരാജ്, സിഇഒ പ്രതീപ്കുമാര്, അനുരാജ് എന്നിവര് റെയ്ഡിന് നേതൃത്വം നല്കി.
