ചെറുപുഴ: നാലു പതിറ്റാണ്ടുകളുടെ കാത്തിരിപ്പിനൊടുവില് മീന്തുള്ളി റവന്യൂ നിവാസികളുടെ സ്വപ്നം യാഥാര്ത്ഥ്യമായി. കാര്യങ്കോടു പുഴയ്ക്കു കുറുകെ സ്റ്റീല് പാലം പണിപൂര്ത്തിയായി. എല്ലാവര്ഷവും ഇരുകരകളിലേയും വന്മരങ്ങളില് മുളകള് കെട്ടിയുറപ്പിച്ച പാലമായിരുന്നു ഇവിടെ താമസിക്കുന്ന 20 കുടുംബങ്ങളുടെ ആശ്രയം. നാട്ടുകാര് തന്നെ പിരിവെടുത്തായിരുന്നു മുളപ്പാലത്തിന്റെ നിര്മ്മാണം നടത്തിയിരുന്നത്. വര്ഷങ്ങള്ക്ക് മുന്പ് അമ്പിളിയെന്ന ഒന്നാം ക്ലാസ് വിദ്യാര്ത്ഥി പാലം കടക്കുമ്പോള് പുഴയില് വീണ് മരിച്ചിരുന്നു. അന്നു മുതല് ഒരു സ്ഥിരം പാലം എന്ന ആവശ്യവുമായി പ്രദേശ വാസികള് അധികൃതരെ സമീപിക്കാന് തുടങ്ങിയതാണ്. രണ്ടു വര്ഷം മുന്പാണ് ഇവര്ക്ക് സ്റ്റീല് പാലം നിര്മ്മിക്കാന് സര്ക്കാര് ഫണ്ടനുവദിക്കുന്നത്. 74 ലക്ഷം രൂപ ചെലവില് 52 മീറ്റര് വീതിയില് സ്റ്റീല് പാലമാണ് നിര്മ്മിച്ചിരിക്കുന്നത്. രണ്ടു മീറ്റര് വീതിയുമുണ്ട്. ഓട്ടോറിക്ഷയ്ക്കും പാലത്തിലൂടെ കടന്നു പോകാം. പണികള് തീര്ന്നിട്ട് നാലുമാസം കഴിഞ്ഞെങ്കിലും പാലം ഇതുവരെ ഉദ്ഘാടനം ചെയ്തിട്ടില്ല. പേരിനെങ്കിലും ഒരു ഉദ്ഘാടനം നടത്തണമെന്നാണ് നാട്ടുകാരുടെ ആവശ്യം. ഈ ആവശ്യ മുന്നയിച്ച് ഇവര് ചെറുപുഴ ഗ്രാമ പഞ്ചായത്ത് അധികൃതരെ സമീപിച്ചിരിക്കുകയാണ്.
മീന്തുള്ളി റവന്യൂ സ്ഥിരം പാലം യാഥാര്ത്ഥ്യമായി
ബന്ധപ്പെട്ട വാര്ത്തകള്
പുതിയ വാര്ത്തകള്
ജന്മഭൂമി ഓണ്ലൈന്© Mathruka Pracharanalayam Limited.
Tech-enabled by Ananthapuri Technologies.