തിരുവനന്തപുരം: കേരളത്തിലെ തുറമുഖങ്ങള് വഴി പാമോയില് ഇറക്കുമതി ചെയ്യുന്നതിനുള്ള നിരോധനം നീക്കരുതെന്ന് മുഖ്യമന്ത്രി പിണറായി വിജയന് പ്രധാനമന്ത്രി നരേന്ദ്രമോദിക്ക് അയച്ച കത്തില് ആവശ്യപ്പെട്ടു. കേരളത്തിലെ തുറമുഖങ്ങള് വഴി പാമോയിലോ പാമോലിന് ഓയിലോ ഇറക്കാന് അനുവദിച്ചാല് അത് കേരളത്തിലെ ദരിദ്രരും ചെറുകിടക്കാരുമായ നാളികേര കൃഷിക്കാരെ കൂടുതല് പ്രയാസത്തിലാക്കും.
പാമോയില് ഇറക്കുമതി നാളികേരത്തിന്റെയും വെളിച്ചെണ്ണയുടെയും വിലയിടിക്കുമെന്ന് കണ്ടാണ് കേരള തുറമുഖങ്ങളില് 2007 ഡിസംബര് മുതല് നിരോധനം ഏര്പ്പെടുത്തിയത്. ഈ നിരോധനം ഇപ്പോഴും നിലനില്ക്കുന്നു. നിരോധനത്തിന് എതിരെയുള്ള അപ്പീല് 2015ല് സുപ്രീംകോടതി തള്ളിക്കളയുകയായിരുന്നെന്നും കത്തില് സൂചിപ്പിക്കുന്നു. വിഷയത്തില് പ്രധാനമന്ത്രി ഇടപെടണമെന്നും വാണിജ്യ മന്ത്രാലയത്തിന് ആവശ്യമായ നിര്ദേശം നല്കണമെന്നും മുഖ്യമന്ത്രി അഭ്യര്ഥിച്ചു.
