കൊച്ചി: മുഖ്യമന്ത്രി വിഡി സതീശന്റെ പേര് പറഞ്ഞപ്പോള് സാറെന്നോ മുഖ്യമന്ത്രിയെന്നോ പറഞ്ഞില്ലെന്നതിന്റെ പേരില് മിമിക്രി താരത്തിനെതിരെ സൈബര് ആക്രമണം. മിമിക്രി താരം മഹേഷ് കുഞ്ഞുമോനാണ് ഈ ദുരനുഭവം ഉണ്ടായത്.
അയർലണ്ടില് നടന്ന ഒരു സ്റ്റേജ് പരിപാടിക്കിടെയാണ് വിവാദസംഭവം ഉണ്ടായത്. വി.ഡി. സതീശന്റെ ശബ്ദം അനുകരിക്കുകയായിരുന്നു മഹേഷ് കുഞ്ഞുമോന്. അന്നേരം സദത്തിനോട് വിഡി സതീശന്റെ പേര് പറഞ്ഞപ്പോള് മുഖ്യമന്ത്രിയെന്നോ സാര് എന്നോ അഭിസംബോധന ചെയ്തില്ലെന്നാണ് വിമര്ശനം.
എന്നാല് അതിന് പിന്നിലെ സാഹചര്യം വിശദീകരിക്കുകയാണ് മഹേഷ് കുഞ്ഞുമോന് ഇപ്പോള്. മുഖ്യമന്ത്രിയെ അപമാനിക്കാനല്ല പേര് മാത്രം വിളിച്ചത്. സാങ്കേതിക ആവശ്യത്തിനായി കംപ്യൂട്ടറിലെ ആ ഫയലിന്റെ പേര് മാത്രം പറയുകയായിരുന്നു. ഏത് ഫയലാണ് തുറക്കേണ്ടത് എന്ന് ചോദിച്ചപോള് വി.ഡി. സതീശന് എന്ന് പറയുകയായിരുന്നുവെന്ന് മഹേഷ് കുഞ്ഞുമോന് പറയുന്നു. തനിക്കെതിരെ അധിക്ഷേപം നടത്തുന്നവർ അഭിപ്രായവ്യത്യാസങ്ങള് മാന്യതയോടെ പ്രകടിപ്പിക്കണമെന്ന് വിനയപൂർവ്വം അഭ്യർത്ഥിക്കുന്നുവെന്നും മഹേഷ് ഫേസ്ബുക്കില് കുറിച്ചു.
