ധര്മ്മശാല: ഓസ്ട്രേലിയന് താരങ്ങള് ഇനി സുഹൃത്തുക്കളല്ലെന്ന ഇന്തന് നായകന് വിരാട് കോഹ്ലിയുടെ പ്രഖ്യാപനത്തില് ഓസീസ് കോച്ച് ഡാരന് ലീമാന് നിരാശ.കോഹ്ലിയുടെ ഈ പ്രഖ്യപനം നിരാശപ്പെടുത്തി. എന്നാല് അത് അദ്ദേഹത്തിന്റെ മാത്രം അഭിപ്രായമാണ്. ഇന്ത്യന് ടീമിലെ മറ്റു കളിക്കാര്ക്ക് ഈ അഭിപ്രായമില്ലെന്നാണ് തന്റെ വിശ്വാസമെന്ന് ലീമാന് പറഞ്ഞു.
ഓസ്ട്രേലിയന് കളിക്കാരെ സുഹൃത്തുക്കളായി കരുതിയത് തെറ്റായിപ്പോയെന്നും ഇനി മുതല് അവര് സുഹൃത്തക്കളല്ലെന്നും കോഹ്ലി കഴിഞ്ഞ ദിവസം പറഞ്ഞിരുന്നു.
കോഹ്ലിയുടെ അഭിപ്രായത്തോട് മറ്റുകളിക്കാര് യോജിക്കുമെന്ന് തോന്നുന്നില്ല. രഹാനെയുടെ ക്യാപ്റ്റന്സി നന്നേ പിടിച്ചു. അയാള് സമര്ത്ഥനാണെന്നും ലീമാന് വെളിപ്പെടുത്തി.
ഓസീസ് നായകന് സ്റ്റീവ് സ്മിത്തിനെ ലീമാന് വാനോളം പുകഴ്ത്തി. അവിശ്വസനീയമായ പ്രകടനമാന് സ്മിത്ത് കാഴ്ചവെച്ചത്. ഇതിഹാസമായ ബ്രാഡ്മാനെപ്പോലെയാണ് സ്മിത്ത് ബാറ്റു ചെയ്തത്. അതേസമയം പരമ്പരയില് ടീമിന്റെ പ്രകടനം ഇന്ത്യന് ടീമിനൊപ്പം എത്തിയില്ലെന്ന് ലീമാന് സമ്മതിച്ചു.
രണ്ടു ടെസ്റ്റുകളില് ഞങ്ങള് വിജയത്തിനടുത്തെത്തിയതാണ്. പക്ഷെ നിരാശായായിരുന്ന ഫലം. നാലാം ടെസ്റ്റില് നൂറ് റണ്സ് കൂടി നേടിയിരുന്നെങ്കില് വിജയിക്കാമായിരുന്നു. തോറ്റെങ്കിലും കളിക്കാരുടെ പ്രകടനത്തില് അഭിമാനമുണ്ടെന്ന് ലീമാന് പറഞ്ഞു.ഈ പരമ്പരയില് നിന്ന് കളിക്കാര്ക്ക് ഒട്ടെറെ കാര്യങ്ങള് പഠിക്കാനായി. മത്സരഫലം മുറിവേല്പ്പിക്കുന്നതാണ്. എന്നിരുന്നാലും അവരുടെ പരിശ്രമത്തില് ഞാന് സംതൃപതനാണെന്ന് ലീമാന് വെളിപ്പെടുത്തി.
ധര്മ്മശാലയില് നടന്ന നാലാം ടെസ്റ്റില് ഇന്ത്യ എട്ടുവിക്കറ്റിനാണ് ഓസ്ട്രേലിയയെ തോല്പ്പിച്ചത്. ഇതോടെ 2-1 ന് ഇന്ത്യയ്ക്ക് പരമ്പര സ്വന്തമായി.
