ഹൈദരാബാദ്: ഇന്ത്യന് ടീമില് തിരിച്ചെത്താനായി ഐപിഎല് ഉള്പ്പെടെയുളള ദേശീയ ക്രിക്കറ്റ് മത്സരങ്ങളില് മികച്ച പ്രകടനം കാഴ്ചവെയ്ക്കുമെന്ന് ഓപ്പണിങ് ബാറ്റസ്മാനായ ശിഖര് ധവാന് പറഞ്ഞു.
ദേശീയ ടീമില് മടങ്ങിവരുകയാണ് തന്റെ ലക്ഷ്യം. അതിനായി ഐപിഎല് ഉള്പ്പെടെയുളള മത്സരങ്ങളില് വമ്പന് പ്രകടനം തന്നെ കാഴ്ചവയ്ക്കും. താന് കഠിന പരിശീലനത്തിലാണെന്ന് സണ്റൈസേഴ്സിന്റെ ബാറ്റസ്മാനായ ധവാന് പറഞ്ഞു. 2012-13സീസണില് ഓസ്ട്രേലിയക്കെതിരേ ടെസ്റ്റില് അരങ്ങേറി സെഞ്ചുറി കുറിച്ച ധവാന് മാസങ്ങളായി ദേശീയ ടീമിന് പുറത്താണ്. അരങ്ങേറ്റമത്സരത്തില് ഏറ്റവും വേഗത്തില് സെഞ്ചുറി നേടിയ താരമാണ് ധവാന്.
ദേശീയ ടീമില് നിന്ന് പുറത്തായ സാഹചര്യത്തില് ഓരോ ടൂര്ണമെന്റും തനിക്ക് പ്രധാനപ്പെട്ടതാണെന്ന് ധവാന് പറഞ്ഞു. അടുത്തിടെ നടന്ന ദേവ്ധര് ട്രോഫിയില് ധവാന് മികവ് പ്രകടിപ്പിച്ചിരുന്നു. നേരത്തെ താന് ഉദ്ദേശിച്ച രീതിയില് കളിക്കാനായില്ല. എന്നാല് ഇപ്പോള് ദൈവാനുഗ്രഹംകൊണ്ട് കാര്യങ്ങളൊക്കൊ ഭംഗിയായി നടക്കുന്നു. മികച്ച ഫോം ദീര്ഘ കാലം നിലനിര്ത്താമെന്നാണ് വിശ്വാസം. ഐപിഎല്ലില് സണ്റൈസേഴ്സിനായി മികച്ച പോരാട്ടം കാഴ്ചവെയ്ക്കനാകുമെന്നാണ് പ്രതീക്ഷയെന്ന് ധവാന് പറഞ്ഞു.
ഹൈദരാബാദിലെ രാജീവ് ഗാന്ധി ക്രിക്കറ്റ് സ്റ്റേഡിയത്തില് നാളെ നടക്കുന്ന ഐപിഎല് ഉ്ദ്ഘാടന മത്സരത്തില് നിലവിലുളള ചാമ്പ്യന്മാരായ സണ്റൈസേഴ്സ് റോയല് ചലഞ്ചേഴ്സ് ബെംഗളൂരുവിനെ നേരിടും. പരിക്കേറ്റ നായകന് വിരാട് കോഹ് ലിയുടെ അഭാവം ഒരു പ്രശ്നം തന്നെയാണ്. എന്നാല് എബി ഡിവില്ലേഴ്സ്, ക്രിസ് ഗെയില്, ഷെയ്ന് വാട്സണ് തുടങ്ങിയ മികച്ച താരങ്ങള് ടീമിലുള്ളത് പ്രതീക്ഷ നല്കുന്നുയെന്നും ധവാന് പറഞ്ഞു.
