കിങ്സ്റ്റണ്: ജമൈക്കക്കാരി വൈലറ്റ് ബ്രൗണിന് ലോകത്ത് ജീവിച്ചിരിക്കുന്ന ഏറ്റവും പ്രായം കൂടിയ വ്യക്തിയെന്ന് അംഗീകാരം.ഇറ്റലിയില് നിന്നുളള എമ്മ മൊറാനയുടെ മരണത്തെ തുടര്ന്നാണ് ലോക മുത്തശി പട്ടം ബ്രൗണിന് ലഭിച്ചത്. ജമൈക്കന് പ്രധാനമന്ത്രി ആന്ഡ്രൂ ഹോള്നെസ് വൈലറ്റ് ബ്രൗണിന് ട്വിറ്ററിലൂടെ അഭിനന്ദനം അറിയിച്ചു.
117 വയസാണ് ബ്രൗണിന്. 1800കളില് ജനിച്ചവരില് ഏറ്റവും ഒടുവിലത്തെ വ്യക്തിയാണ് കഴിഞ്ഞ ദിവസം അന്തരിച്ച മൊറാന. ചരിത്രത്തില് രേഖപ്പെടുത്തിയ ഏറ്റവും പ്രായം കൂടിയ അഞ്ച് പേരില് ഒരാളുമായിരുന്നു.
ഇപ്പോള് ലോകത്തെ ഏറ്റവും പ്രായം കൂടിയ വ്യക്തി വൈലറ്റ് ബ്രൗണ് ആണെന്നാണ് വാര്ദ്ധക്യകാല ഗവേഷണ സംഘത്തിന്റെ കണക്കുകള് വ്യക്തമാക്കുന്നത്.
1900 മാര്ച്ച് 10നാണ് വൈലറ്റ് ബ്രൗണ് ജനിച്ചത്. രണ്ടും മൂന്നും സ്ഥാനത്ത് രണ്ട് ജപ്പാന് വനിതകളാണുളളത്. നബി താജിമ, ചിയോ മിയാക്കോ എന്നിവരാണിവര്. യഥാക്രമം 1900, ആഗസ്റ്റ് 4 1901 മെയ് രണ്ട് തീയതികളിലാണ് ഇവര് ജനിച്ചത്.
സ്പാനിഷ് വനിത അന വെല എന്ന 115കാരിയാണ് പ്രായം കൂടിയ യൂറോപ്യന് വനിത. 1901 ഒക്ടോബര് 29നാണ് ഇവര് ജനിച്ചത്. ലോകത്തെ നാലാമത്തെ പ്രായം കൂടിയ വ്യക്തിയും ഇവരാണ്.
