പേരാമ്പ്ര: ചക്കിട്ടപാറ ഗ്രാമ പഞ്ചായത്ത് മുതുകാട് മേഖലയിലെ നാല് വാര്ഡുകളിലായി സ്ഥാപിച്ച ചെറുതും വലുതുമായ ഇരുപത്തി അഞ്ചോളം കുടിവെള്ള പദ്ധതികളില് ഒന്നില്പോലും ജലമില്ലാതായ സാഹചര്യത്തില് പദ്ധതി സ്ഥാപിച്ചതിലെ അഴിമതി അന്വേഷിക്കുണമെന്നാവശ്യപ്പെട്ട് ബിജെപി മുതുകാട്ടില് ധര്ണ്ണ നടത്തി.
ജില്ലാ സമിതി അംഗം ജയപ്രകാശ് കായണ്ണ ഉദ്ഘാടനം ചെയ്തു.പത്മനാഭന് പി.കടിയങ്ങാട് അദ്ധ്യക്ഷത വഹിച്ചു. പ്രകാശ് കോമത്ത്, അനൂപ് നരിനട, കെ.ടി.ബാലന്, രതീഷ് പനന്തോട്ടത്തില്, കെ.പി.ടി. ബാലന്, എം.കെ. സുനില്, സുരേഷ് കുറ്റിപ്പിലായി, കെ. പി. ജിലേഷ്, ശ്രീധരന് പടിഞ്ഞാറം പ്രസംഗിച്ചു. ജലമില്ലാതെ നോക്കു കുത്തിയായ സീതപ്പാറ കുടിവെള്ള പദ്ധതിയുടെ ഉദ്ഘാടന ഫലകത്തില് ബിജെപി റീത്ത് സമര്പ്പിച്ചു.
