പുന്നപ്ര: വിദേശമദ്യ വില്പനശാല തുറന്ന്പ്രവര്ത്തനം ആരംഭിച്ചതോടെ ഗതാഗതതടസ്സം രൂക്ഷമായി. ഒഴിച്ചു കൊടുപ്പ് കേന്ദ്രങ്ങള് വ്യാപകം, പുന്നപ്ര കളിത്തട്ടിന് കിഴക്ക് വെട്ടിക്കെരി പാടശേഖരത്തിന് സമീപമാണ് വിദേശമദ്യ വില്പനശാല കഴിഞ്ഞ ദിവസം പ്രവര്ത്തനമാരംഭിച്ചത്.
അമ്പലപ്പുഴ കച്ചേരി മുക്കിന് കിഴക്ക് ഭാഗത്ത് സംസ്ഥാന ദേശീയ പാതയ്ക്ക് സമീപത്തായി പ്രവര്ത്തിച്ചിരുന്ന മദ്യശാല കോടതി ഉത്തരവിനെ തുടര്ന്ന് പുന്നപ്ര വെട്ടിക്കരിയിലേക്ക് മാറ്റി സ്ഥാപിയ്ക്കുകയായിരുന്നു.
ഇതേ തുടര്ന്ന് മദ്യം വാങ്ങാന് എത്തുന്ന വാഹനങ്ങള് ഗ്രാമീണ റോഡുകള് കൈയടക്കിയയതിനെ തുടര്ന്ന് കാല്നടക്കാരും പ്രദേശവാസികളും വളരെ ബുദ്ധിമുട്ട് അനുഭവിച്ച് യാത്ര ചെയ്യേണ്ട ഗതികേടിലാണ്. മദ്യം വാങ്ങി കാറുകളില് ഇരുന്ന് മദ്യപിയ്ക്കുന്നതും സമീപത്തെ അഞ്ചോളം ഒഴിപ്പ് കേന്ദ്രങ്ങളും പ്രദേശവാസികള്ക്ക് ദുരിതം വിതയ്ക്കുകയാണ്.
വിദേശമദ്യ വില്പനശാലയുടെ ഇരുവശങ്ങളിലും നെല് വയലുകളും ഇതിനോട് ചേര്ന്ന്കര്ഷക തൊഴിലാളികള് തിങ്ങി പാര്ക്കുന്ന പ്രദേശവുമാണ്. സമീപത്ത് ക്ഷേത്രങ്ങള് അടക്കമുള്ള ആരാധനാലയങ്ങളും ഉണ്ട്.
