ധര്മ്മടം: സിപിഎം നേതൃത്യത്തിന്റെ താളത്തിന്ന് തുള്ളുന്ന കളിപ്പാവകളായി പോലീസ് അധപതിച്ചെന്ന് ബിജെപി ധര്മ്മടം നിയോജക മണ്ഡലം ജനറല് സെക്രട്ടറി കെ.പി.ഹരീഷ് ബാബു പ്രസ്ഥാപിച്ചു. എല്ഡിഎഫ് സര്ക്കാര് അധികാരത്തിലെത്തിയ ശേഷം ധര്മ്മടം കൂത്ത്പറമ്പ് പോലീസ് സ്റ്റേഷന് പരിധികളില് സിപിഎം പ്രവര്ത്തകരുടെ അക്രമണത്തിന്ന് വിധേയമായ ബിജെപി ആര്എസ്എസ് പ്രവര്ത്തകരുടെ വീടുകള് തകര്ത്ത കേസുകളില് ഒരു വര്ഷം കഴിഞ്ഞിട്ടും പ്രതികളെ കണ്ടെത്താന് കഴിഞ്ഞില്ല. ഈ കേസുകള് എഴുതിത്തള്ളി പ്രതികളെ രക്ഷിക്കാനുള്ള പോലീസ് നീക്കം അപലനീയമാണ്.
ബിജെപി സംസ്ഥാന കൗണ്സില് അംഗം ആര്.കെ.ഗിരിധരന്റ വീട് തുടര്ച്ചയായി അക്രമിക്കപെട്ടിട്ടും ഈ കേസുകളില് പ്രതികളെ പിടിക്കാതെ സംരംക്ഷിക്കുന്ന സമീപനമാണ് ധര്മ്മടം പോലീസിന്റെ ഭാഗത്ത് നിന്ന് ഉണ്ടായത്. അക്രമസംഭവങ്ങളിലെ പ്രതികളെ അറസ്റ്റ് ചെയ്യാത്ത പോലീസ് നടപടിയില് മുഴുവന് ജനാധിപത്യവിശ്വാസികളും പ്രതികരിക്കണമെന്നും അദ്ദേഹം ആവശ്യപെട്ടു.
