ആലപ്പുഴ: പതിമൂന്നാമത് സ്വാതിതിരുനാള് സംഗീതോത്സവം അഞ്ച്, ആറ്, ഏഴ് തീയതികളില് എസ്ഡിവി ബസന്റ് ഹാളില് നടക്കും. വൈകിട്ട് അഞ്ചിന് നടക്കുന്ന സമ്മേളനം മന്ത്രി ജി. സുധാകരന് ഉദ്ഘാടനം ചെയ്യും. കെ.കെ. പത്മനാഭപിള്ള അദ്ധ്യക്ഷനാകും.
മുഖ്യപ്രഭാഷണവും പെയിന്റിങ് മത്സര വിജയികള്ക്കുള്ള സമ്മാനദാനവും ശശികലാധരന് നായര് നിര്വ്വഹിക്കും. നെടുമുടി ഹരികുമാര്, പ്രൊഫ. കല്ലേലി ഗോപാലകൃഷ്ണന്, ഡി. മധു, എം.എന്.പി നമ്പൂതിരി, സുനില്പിള്ള എന്നിവര് ആശംസാപ്രസംഗം നടത്തും.
കളര്കോട് നാരായണന് നായര് സ്മാരക അവാര്ഡ് കഥകളി, ചെണ്ട വിദ്വാന് കലാമണ്ഡലം ഉണ്ണികൃഷ്ണനും മികച്ച വേഷത്തിനുള്ള പുരസ്കാരം കലാഭാരതി ഹരികുമാറിനും നല്കും. വൈകിട്ട് ഏഴിന് കഥകളി- ദേവയാനി ചരിതം. രാത്രി 10ന് ദുര്യോധന വധം.
ആറിന് രാവിലെ ഒന്പതിന് ശാസ്ത്രീയ സംഗീത മത്സരം ഉദ്ഘാടനം ജെ. ബാലകൃഷ്ണന്. ആര്. രാജഗോപാലന്അദ്ധ്യക്ഷനാകും. വൈകിട്ട് 6.30ന് സംഗീതസന്ധ്യ. ഏഴിന് സംഗീതാരാധന ഡോ. ബി. പത്മകുമാര് ഉദ്ഘാടനം ചെയ്യും. ആലപ്പുഴ ആര്. വിധു അദ്ധ്യക്ഷനാകും. സമാപന സമ്മേളനം കെ.സി. വേണുഗോപാല് എംപി ഉദ്ഘാടനം ചെയ്യും. ജെ. കൃഷ്ണന് അദ്ധ്യക്ഷനാകും. വൈകിട്ട് 6.30ന് സംഗീതസദസ്സ്.
