കല്പ്പറ്റ : വയനാട് ജില്ലയില് ആദ്യമായി നടക്കുന്ന വ്യോമസേന റിക്രൂട്ട്മെന്റ് റാലിക്കുള്ള ഒരുക്കങ്ങള് തുടങ്ങി. ജില്ലാ കളക്ടര് ഡോ.ബി.എസ്. തിരുമേനിയുടെ അദ്ധ്യക്ഷതയില് കലക്ടറേറ്റില് ചേര്ന്ന യോഗം റാലിയ്ക്ക് വേണ്ട തയ്യാറെടുപ്പുകള് അവലോകനം ചെയ്തു.
മെയ് അഞ്ച്, ആറ് തീയ്യതികളില് വയനാട് ജില്ലയില് നിന്നുള്ള ഉദ്യാഗാര്ത്ഥികള്ക്കായി പ്രീ രജിസ്ട്രേഷന് കല്പ്പറ്റ എസ്.കെ.എം.ജെ സ്കൂളില് നടക്കും. രാവിലെ ഏഴ് മുതല് ഉച്ചയ്ക്ക് ഒന്നുവരെയാണ് രജിസ്ട്രേഷന്. മറ്റ് ജില്ലയിലെ ഉദ്യോഗാര്ത്ഥികളുടെ പ്രി-രജിസ്ട്രേഷന് മെയ് 24 മുതല് 26 വരെ എറണാകുളം കാക്കനാട്ടെ പതിനാല് എയര്മെന് സെക്ഷന് സെന്ററിലാണ് നടക്കുക.
മെയ് 25 മുതല് 30 വരെയാണ് കല്പ്പറ്റ എസ്.കെ. എം. ജെ ഹയര് സെക്കണ്ടറി സ്കൂളില് റിക്രൂട്ട്മെന്റ് റാലി നടത്തുന്നത്. 5000ല് അധികം ഉദ്യോഗാര്ത്ഥികള് റാലിയില് പങ്കെടുക്കുമെന്നാണ് കണക്കുക്കൂട്ടല്. ഓട്ടോ ടെക്നീഷന്, ഗ്രൗണ്ട് ട്രെയിനിംഗ് ഇന്സ്പെക്ടര്, ഇന്ത്യന് എയര് ഫോഴ്സ് പോലീസ്, മെഡിക്കല് അസിസ്റ്റന്റ് എന്നീ തസ്തികകളിലേക്കാണ് സെലക്ഷന് റാലി.
1997 ജൂലൈ ഏഴിനും 2000 ഡിസംബര് 20 നും ഇടയില് ജനിച്ച ഉദ്യോഗാര്ത്ഥികള്ക്ക് റാലിയില് പങ്കെടുക്കാം. മെഡിക്കല് അസിസ്റ്റന്റ് ഒഴികെയുള്ള മറ്റ് തസ്തികയിലേക്ക് പ്ലസ്ടുവിന് മൊത്തമായും ഇംഗ്ലീഷില് 50 ശതമാനം മാര്ക്കും നേടിയിരിക്കണം. മെഡിക്കല് അസിസ്റ്റന്റ് തസ്തികയ്ക്ക് ഫിസിക്സ്, കെമിസ്ട്രി, ബയോളജി, ഇംഗ്ലീഷ് എന്നീ വിഷയങ്ങളില് 50 ശതമാനം മാര്ക്കോടെ പ്ലസ്ടുവും ഇംഗ്ലീഷില് വിഷയത്തിന് 50 ശതമാനം മാര്ക്കും നേടിയിരിക്കണം. നേറ്റിവിറ്റി, ഡൊമിസൈല് സര്ട്ടിഫിക്കറ്റില് ജില്ലയുടെ പേര് വ്യക്തമാക്കിയിരിക്കണം. ഉദ്യോഗാര്ത്ഥികള് എസ്.എസ്.എല്.സി, പ്ലസ്ടു സര്ട്ടിഫിക്കറ്റുകളുടെ അസ്സല്, സ്ഥിരവാസ സര്ട്ടിഫിക്കറ്റ്, നാല് കോപ്പി ഫോട്ടോ എന്നിവസഹിതമാണ് പ്രി-രജിസ്ട്രേഷനും റാലിക്കും ഹാജരാകേണ്ടത്. ഒറിജിനല് സര്ട്ടിഫിക്കറ്റ് ഹാജരാക്കാന് കഴിയാത്ത ഉദ്യോഗാര്ത്ഥികള് അത് സൂക്ഷിച്ചിരിക്കുന്ന വിദ്യാഭ്യാസ സ്ഥാപനങ്ങളുടെ മേലധികാരിയില് നിന്ന് സാക്ഷ്യപത്രം ഹാജരാക്കണം.
