ആലപ്പുഴ: ഇല്ലാത്ത അധികാരം ഉപയോഗിച്ച് ഭാഷാ ന്യൂനപക്ഷ സമുദായമായ ഗൗഡസാരസ്വത ബ്രാഹ്മണരുടെ പുരാതന മഹാക്ഷേത്രമായ എറണാകുളം തിരുമല ദേവസ്വം ക്ഷേത്രം കൊച്ചിന് ദേവസ്വം ബോര്ഡ് ഏറ്റെടുക്കാനുള്ള നീക്കത്തില് ജിഎസ്ബി ക്ഷേമസഭ ആലപ്പുഴ യൂണിറ്റ് പ്രതിഷേധിച്ചു. അടിസ്ഥാന രഹിതമായ പരാതിയിന്മേലുള്ള നിയമവിരുദ്ധ നടപടികളില് നിന്നും ദേവസ്വം ബോര്ഡ് പിന്മാറണം. ക്ഷേത്രം പിടിച്ചെടുക്കുന്നതിനെതിരെ സാദ്ധ്യമായ എല്ലാ മാര്ഗ്ഗങ്ങളുപയോഗിച്ചും സംഘടന ചെറുക്കും. ആലപ്പുഴ തിരുമല ദേവസ്വം സ്ഥാപിച്ച ടിഡി മെഡിക്കല് കോളേജ് സര്ക്കാര് ഏകപക്ഷീയമായി ഏറ്റെടുത്തത് ഇത്തരുണത്തില് ഹിന്ദു സമൂഹം ഓര്ക്കണം. ജില്ലാ കമ്മറ്റി പാസ്സാക്കിയ പ്രതിഷേധ പ്രമേയം മുഖ്യമന്ത്രി, ദേവസ്വം മന്ത്രി, കൊച്ചിന് ദേവസ്വം ബോര്ഡ് എന്നിവര്ക്ക് നല്കാനും തീരുമാനിച്ചതായി ജില്ലാ പ്രസിഡന്റ് ആര്. സുധാകര മല്യാര്, സംസ്ഥാന വൈസ് പ്രസിഡന്റ് ആര്. സോമനാഥ നായ്ക് എന്നിവര് അറിയിച്ചു.
ക്ഷേത്രം പിടിച്ചെടുക്കാനുള്ള ഇടത് സര്ക്കാറിന്റെ നീക്കങ്ങളില് ആലപ്പുഴ ജിഎസ്ബി സേവാസംഘ് പ്രതിഷേധിച്ചു. എ.ഡി. പ്രസാദ് കുമാര്, വിവേക് ഷേണായി, രാജഷ് റാവു എന്നിവര് സംസാരിച്ചു. ശക്തമായ പ്രതിഷേധ സമരങ്ങള്ക്ക് തയ്യാറാകാന് യോഗം സമുദായങ്ങളോട് ആഹ്വാനം ചെയ്തു.
