ചേര്ത്തല: കോടതി ഉത്തരവുകള് അവഗണിച്ച് കുറ്റകൃത്യങ്ങള്ക്ക് കാവല് നില്ക്കുന്ന പോലീസ് ഉദ്യോഗസ്ഥരെ സര്വീസില് നിന്ന് പിരിച്ചു വിടണമെന്ന് ജെഎസ്എസ് രാജന് ബാബു വിഭാഗം ജില്ലാ കണ്വന്ഷന് ആവശ്യപ്പെട്ടു.
മാവേലിക്കരയില് കോളജ് അടിച്ചുതകര്ത്ത സംഭവത്തിലെ കുറ്റവാളികളെയും ദേവികുളത്ത് കൈയേറ്റം ഒഴിപ്പിക്കാനെത്തിയ റവന്യു ഉദ്യോഗസ്ഥരെ കൈയേറ്റം ചെയ്ത ഗുണ്ടകളെയും പോലീസ് സംരക്ഷിച്ച നടപടി പ്രതിഷേധാര്ഹമാണെന്നും യോഗം കുറ്റപ്പെടുത്തി. നിയമ വാഴ്ച ചോദ്യം ചെയ്യുന്ന രാഷ്ട്രീയക്കാരെയും ഗുണ്ടകളെയും സംരക്ഷിക്കുന്ന നിലപാട് നാട്ടില് അരാജകത്വം സൃഷ്ടിക്കുമെന്നും യോഗം ചൂണ്ടിക്കാട്ടി.
സംസ്ഥാനത്ത് ക്രമസമാധാനം ക്രമസമാധാനം തകര്ക്കാനുള്ള നീക്കത്തിനെതിരെ അഭ്യന്തര വകുപ്പ് ജാഗ്രത പുലര്ത്തണമെന്നും യോഗം ആവശ്യപ്പെട്ടു. വുഡ്ലാന്സ് ഓഡിറ്റോറിയത്തില് ചേര്ന്ന കണ്വന്ഷന് സംസ്ഥാന സെക്രട്ടറി ബാലരാമപുരം സുരേന്ദ്രന് ഉദ്ഘാടനം ചെയ്തു.
സംസ്ഥാന പ്രസിഡന്റ് ആര്. പൊന്നപ്പന് അദ്ധ്യക്ഷനായി. കെ. പീതാംബരന്, കെ.പി. വിദ്യാധരന്, എസ്. ഗോപിനാഥന്, കെ.പി. സുരേഷ്, രാധാഭായി എന്നിവര് പ്രസംഗിച്ചു.
