ശ്രീനാരായണ ദര്ശന മഹാസത്രത്തിന്റെ പ്രചരണാര്ത്ഥം എസ്എന്ഡിപി യൂത്ത്മൂവ്മെന്റ്
യൂണിയനുകളുടെ നേതൃത്വത്തില് ചേര്ത്തലയില് നടന്ന ലഹരിവിരുദ്ധ പ്രതിജ്ഞയും കൂട്ടയോട്ടവും ജനറല് സെക്രട്ടറി വെള്ളാപ്പള്ളി നടേശന് ഉദ്ഘാടനം ചെയ്യുന്നു0200
ചേര്ത്തല: ശ്രീനാരായണ ദര്ശന മഹാസത്രത്തിന്റെ പ്രചരണാര്ത്ഥം എസ്എന്ഡിപി കണിച്ചുകുളങ്ങര ചേര്ത്തല യൂത്ത്മൂവ്മെന്റ് യൂണിയനുകളുടെ നേതൃത്വത്തില് ലഹരിവിരുദ്ധ പ്രതിജ്ഞയും കൂട്ടയോട്ടവും നടത്തി. മന്ത്രി പി. തിലോത്തമന് ഫഌഗ് ഓഫ് ചെയ്തു.
ഇതോടനുബന്ധിച്ച് ചേര്ന്ന സമ്മേളനം യോഗം ജനറല് സെക്രട്ടറി വെള്ളാപ്പള്ളി നടേശന് ഉദ്ഘാടനം ചെയ്തു. മദ്യത്തില് നിന്ന് പിന്വാങ്ങിയ യുവതലമുറ മയക്കുമരുന്നിന് അടിമപ്പെട്ടെന്നും ഇത് സമൂഹത്തില് വന് പ്രത്യാഘാതങ്ങള് സൃഷ്ടിക്കുമെന്നും അദ്ദേഹം പറഞ്ഞു. സമൂഹം നേരിടുന്ന ഏറ്റവും വലിയ വെല്ലുവിളിയായി മയക്കുമരുന്ന് മാറി.
ഇതിന്റെ വ്യാപനവും ഉപഭോഗവും സാര്വത്രികമായതോടെ കുടുംബ ബന്ധങ്ങള്ക്ക് സ്ഥാനമില്ലാതായി. മദ്യ നിരാേധനമല്ല മദ്യവര്ജ്ജനമാണ് വേണ്ടതെന്നന്നും വെള്ളാപ്പള്ളി പറഞ്ഞു. ദേവീ ക്ഷേത്രത്തിന് സമീപം നടന്ന ചടങ്ങില് യൂത്ത്മൂവ്മെന്റ് കണിച്ചുകുളങ്ങര യൂണിയന് പ്രസിഡന്റ് എസ്. രാജേഷ് അദ്ധ്യക്ഷനായി.
കണിച്ചുകുളങ്ങര യൂണിയന് പ്രസിഡന്റ് വി.എം. പുരുഷോത്തമന്, വൈസ് പ്രസിഡന്റ് പി.കെ. ധനേശന് പൊഴിക്കല്, സത്രസമിതി വര്ക്കിങ് ചെയര്മാന് കെ.വി. സാബുലാല്, ജനറല് കണ്വീനര് കെ.കെ. മഹേശന്, പി.എസ്.എന്. ബാബു, പി.ടി. മന്മഥന്, കെ.കെ. പുരുഷോത്തമന്, പ്രൊഫ. മോഹന് കാര്യാട്ട്, ബൈജു അറുകുഴി, സ്വാമിനാഥന് ചള്ളിയില്, പി. ജയകുമാര്, അജിത്ത് മുഹമ്മ എന്നിവര് ലഹരി വിരുദ്ധ പ്രതിജ്ഞ ചൊല്ലിക്കൊടുത്തു.
രണ്ടു യൂണിയനുകളില് നിന്നായി ആയിരത്തിലധികം പേര് മഞ്ഞ ബനിയന് ധരിച്ച് കൂട്ടയോട്ടത്തില് പങ്കെടുത്തു. ദേവീക്ഷേത്രത്തിന് മുന്നില് നിന്ന് ആരംഭിച്ച കൂട്ടയോട്ടം നഗരം ചുറ്റി യൂണിയന് ഓഫീസില് സമാപിച്ചു.
