മട്ടന്നൂര്: കണ്ണൂര് അന്താരാഷ്ട്ര വിമാനത്താവളത്തിലേക്കുള്ള നവീകരിച്ച റോഡില് ഓവുചാല് നിര്മ്മിക്കാത്തതിനെത്തുടര്ന്ന് ചെളിവെള്ളം കുത്തിയൊഴുകി വന്തോതില് നാശനഷ്ടമുണ്ടായതില് വ്യാപക പ്രതിഷേധം. വിമാനത്താവളത്തിലേക്കുള്ള പ്രധാന റോഡായ വാഴന്തോട്- കീഴല്ലൂര് റോഡ് വീതി കൂട്ടി നവീകരിച്ചപ്പോള് ചില സ്ഥലങ്ങളില് ഓവുചാല് നിര്മ്മിക്കാതെ ഒഴിവാക്കിയതാണ് കഴിഞ്ഞ ദിവസം ചെളികയറി നാശനഷ്ടത്തിനിടയാക്കിയത്.
കാരപേരാവൂരിലെ കീഴല്ലൂര് പഞ്ചായത്ത് കുടുംബക്ഷേമകേന്ദ്രം, 5 കടകള്, 5 വീടുകള് എന്നിവിടങ്ങളില് ചെളിവെള്ളം കുത്തിയൊലിച്ച് വന്ന് ടി. ഇബ്രാഹിമിന്റെ പലചരക്ക് കട, എന്.അംഗജന്റെ പലചരക്ക് കട, സമീപത്തെ റീന സ്റ്റോര്, ബാര്ബര് ഷോപ്പ്, ടൈലര് ഷോപ്പ് എന്നിവിടങ്ങളിലും അഡ്വ.വാസുതോട്ടത്തില്, സി. വിജയന്, സി.സി. നാണു നമ്പ്യാര്, എന്.വി.ഷമല്, എന്.വി.രസിത എന്നിവരുടെ വീട്ടുമുറ്റങ്ങളിലുമാണ് വന്തോതില് ചെളിവെള്ളം ഒഴുകിയെത്തി നാശമുണ്ടാക്കിയത്. റോഡ് ഉയര്ത്തി നവീകരിച്ചതിനാല് സുഗമമായി മഴവെള്ളം ഒഴുകുവാന് വ്യാപാര സ്ഥാപനങ്ങള്ക്കും വീടുകള്ക്കും മുന്നില് ഓവുചാല് നിര്മ്മിക്കണമെന്ന് നാട്ടുകാര് ആവശ്യപ്പെട്ടിരുന്നെങ്കിലും ചില സ്ഥലങ്ങള് ഒഴിവാക്കിയിരുന്നു.
കോടികള് മുടക്കി വിമാനത്താവളത്തിലേക്ക് നിലവിലുള്ള റോഡ് വീതി കൂട്ടി നവീകരിക്കുമ്പോള് കാര, കല്ലേരിക്കര, പാറാപ്പൊയില് തുടങ്ങിയ പ്രദേശങ്ങളില് ചില ഭാഗത്ത് ഓവുചാല് നിര്മ്മിക്കാത്തത് പ്രതിഷേധത്തിന് ഇടയാക്കിയിരുന്നു. തുടര്ന്ന് പാറാപ്പൊയില് മേഖലയില് ഓവുചാല് പൂര്ണ്ണമാക്കുകയായിരുന്നു. ഓവുചാല് ഒഴിവാക്കിയ പ്രദേശങ്ങളിലാണ് കഴിഞ്ഞ ദിവസം നാശം വിതച്ചത്. റോഡ് നവീകരിക്കുന്ന വേളയില് ബന്ധപ്പെട്ട വിവിധ വകുപ്പുകളുടെ ഏകോപനമില്ലായ്മയാണ് ഓവുചാല് നിര്മ്മാണത്തിന് വിഘാതമായതെന്ന് പറയുന്നു. മഴക്കാലം ആരംഭിക്കുന്നതിന് മുമ്പ് വെള്ളം കയറുന്ന പ്രദേശത്ത് ഓവുചാല് നിര്മ്മിക്കുവാന് അധികൃതര് നടപടി സ്വീകരിക്കണമെന്നും നാട്ടുകാര് ആവശ്യപ്പെട്ടു.
