തിരുവനന്തപുരം: സര്ക്കാര് ജീവനക്കാരോ തദ്ദേശ സ്വയംഭരണ സ്ഥാപനത്തിലെ ജീവനക്കാരോ തെരഞ്ഞെടുപ്പ് ഏജന്റുമാരായോ പോളിങ് ഏജന്റായോ പ്രവര്ത്തിക്കാന് പാടില്ലെന്ന് സംസ്ഥാന തെരഞ്ഞെടുപ്പ കമ്മീഷന് നിര്ദ്ദേശിച്ചു. സ്ഥാനാര്ത്ഥികളുടെ വിജയസാദ്ധ്യത മെച്ചപ്പെടുത്തുന്നതിന് സഹായിക്കാനോ ഒത്താശ ചെയ്യാനോ പാടില്ല.
പോളിങ് സ്റ്റേഷനോ പോളിംഗിനായി നിശ്ചയിച്ച സ്ഥലമോ പാര്ട്ടി പ്രവര്ത്തകര് പിടിച്ചെടുക്കാന് പാടില്ല. പോളിങ്് അധികാരികള് വോട്ടിംഗ് യന്ത്രങ്ങള് വിട്ടുകൊടുക്കുന്നതിന് ഇടയാക്കുകയോ തിരഞ്ഞെടുപ്പിന്റെ സുഗമമായ നടത്തിപ്പിനെ ബാധിക്കുന്ന മറ്റേതെങ്കിലും പ്രവൃത്തിയോ ചെയ്യുന്നത് നിയമലംഘനമാണ്.
ഏതെങ്കിലും വോട്ടറെ ഭീഷണിപ്പെടുത്തി വോട്ടു രേഖപ്പെടുത്തുന്നതില് നിന്ന് തടയുക, ബൂത്ത് പിടിച്ചെടുക്കല്, വോട്ടെണ്ണല് കേന്ദ്രം പിടിച്ചെടുക്കല്, കൂടാതെ വോട്ടെണ്ണലിനെ ബാധിക്കുന്ന ഏന്തെങ്കിലും പ്രവര്ത്തിയും ചെയ്യാനും പാടില്ല.
ആള്മാറാട്ടം നടത്തുന്നത് ശിക്ഷാര്ഹമായ കുറ്റമാണ്. തെരഞ്ഞെടുപ്പ് കുറ്റങ്ങള് ഏതെങ്കിലും വോട്ടര് ചെയ്യുന്നതായി ബോധ്യപ്പെട്ടാല് വരണാധികാരി പോലീസ് അധികാരികളെ വിവരം അറിയിക്കേണ്ടതും കുറ്റക്കാര്ക്കെതിരെ കര്ശന നടപടികള് സ്വീകരിക്കണമെന്നും സംസ്ഥാന തെരഞ്ഞെടുപ്പ് കമ്മീഷന് നിര്ദ്ദേശിച്ചു.
