തിരുവല്ല: അച്ചന്കോവില് ആവണിപ്പാറയിലെ വനവാസി കുട്ടികള്ക്ക് അക്ഷരമാധുര്യം പകര്ന്ന് തിരുവല്ല ശ്രീരാമ കൃഷ്ണാശ്രമം.ആശ്രമത്തിന്റെ യുവജന സംഘടനയായ ഭാവപ്രചാരകിന്റെ നേതൃത്വത്തില് ആവണിപ്പാറയില് സന്ദര്ശനം നടത്തി.
ആശ്രമാധിപതി സ്വാമി നിര്വിണ്ണാനന്ദജിയുടെ നേതൃത്ത്വത്തിലാണ് കൊടുംവന മേഖലയായ ആവണിപ്പാറയിലെ കാട്ട് മക്കള്ക്ക് പുതുവസ്ത്രവും പഠനോപകരണങ്ങളുമായി പ്രവര്ത്തകര് എത്തിയത്.
പാട്ടുപാടിയും കഥപറഞ്ഞും കളിച്ചും കുശലം അന്വേഷിച്ചും കാടിന്റെ മക്കളെ അടുത്തറിഞ്ഞ അനുഭവം ഒരിക്കിലും മറക്കാന് കഴിയില്ലന്ന് ഭാവപ്രചാരക് പ്രവര്ത്തകര് പറഞ്ഞു.
ഘോരമായ വന്യത നിറഞ്ഞ പ്രദേശമാണ് ആവണിപ്പാറ. യാത്രക്ക് അനുയോജ്യമായ വഴിയൊ.വൈദ്യുതിയൊ തലചായ്ക്കാന് ഉറപ്പുള്ള കെട്ടിടമൊ ഇവിടെ താമസിക്കുന്ന സാധാരണക്കാര്ക്കില്ല.അരുവാപ്പുലം പഞ്ചായത്തില് ഉള്പ്പെടുന്നതാണ് ഈ വനവാസികോളനി.ഒന്നര കിലോമീറ്ററിനുള്ളില് അന്പതോളം കുടുംബങ്ങളിലായി നൂറ്റിയെഴുപതോളം ആളുകള് ഇവിടെ താമസിക്കുന്നു.വനവിഭവങ്ങള് ശേഖരിച്ചാണ് ഇവിടുത്തുകാരുടെ ഉപജീവനം. ഇവിടുത്തെ കുട്ടികള്ക്ക് പഠനത്തിനാവശ്യമായ സൗകര്യങ്ങള് ചെയ്ത് കൊടുക്കാന് മാറിമാറിവന്ന സര്ക്കാരുകള്ക്ക് സാധിച്ചിട്ടില്ല.
പ്രാഥമിക വി്ദ്യാഭ്യാസം കഴിഞ്ഞാല് തുടര്പഠനത്തിനുള്ള സാധ്യതയും ഇവിടുത്തെ കുരുന്നുകള്ക്ക് അന്യമാണ്.അടിസ്ഥാന സൗകര്യങ്ങള് കൂറവാണെങ്കിലും ഇടയ്ക്കിടെ ഇവിടെ എത്തുന്ന നല്ലവരായ മനുഷ്യരുടെ നന്മമാത്രമാണ് ഇവര്ക്ക് ഏക ആശ്രയം.
