സാഹിത്യ അവാര്‍ഡുകള്‍ക്ക് രചനകള്‍ ക്ഷണിച്ചു

ഇരിട്ടി: നളന്ദ കലാ സാഹിത്യവേദി പതിനഞ്ചാം വാര്‍ഷികാഘോഷങ്ങളുടെ ഭാഗമായി ജില്ലാതലത്തില്‍ നടത്തുന്ന കഥ, കവിത, ലേഖന മത്സരങ്ങളിലേക്കുള്ള രചനകള്‍ ക്ഷണിച്ചു. 2017 ഏപ്രില്‍ 30 ന് നാല്പത് വയസ്സ് കവിയാത്ത ആര്‍ക്കും മത്സരത്തില്‍ പങ്കെടുക്കാം. കഥ, കവിതകള്‍ക്ക് പ്രത്യേകം വിഷയങ്ങളില്ല. എന്നാല്‍ ലേഖനങ്ങള്‍ നളന്ദ മുന്നോട്ടു വെക്കുന്ന ആശയങ്ങളിലൊന്നായ പരിസ്ഥിതി അവബോധത്തിന്റെ സമകാലീന പ്രസക്തി എന്ന വിഷയത്തിലൂന്നിയുള്ളതായിരിക്കണം. നളന്ദയിലെ മെമ്പര്‍മാര്‍ക്കോ കുടുംബാംഗങ്ങള്‍ക്കോ മത്സരത്തില്‍ പങ്കെടുക്കാന്‍ യോഗ്യതയില്ല. മത്സരത്തില്‍ പങ്കെടുക്കുന്നവര്‍ വയസ്സ് തെളിയിക്കുന്ന രേഖകള്‍ക്കൊപ്പം രചനകള്‍ മൗലികമാണെന്ന് സ്വയം ഒപ്പിട്ട സാക്ഷ്യപത്രവും പാസ്‌പോര്‍ട്ട് സൈസ് ഫോട്ടോയും, വ്യക്തമായ വിലാസവും ഫോണ്‍നമ്പറും രചനകള്‍ക്കൊപ്പം അടക്കം ചെയ്യേണ്ടതാണ്. രചനകള്‍ ഇതിന് മുമ്പ് മറ്റെവിടെയെങ്കിലും പ്രസിദ്ധീകരിച്ചതാവരുത്. ഓരോ വിഭാഗത്തിലും ഒന്നും രണ്ടും സ്ഥാനങ്ങള്‍ കരസ്ഥമാക്കുന്ന രചയിതാക്കള്‍ക്ക് നളന്ദ നല്‍കുന്ന സര്‍ട്ടിഫിക്കറ്റും മൊമെന്റായും നല്‍കുന്നതായിരിക്കും. സൃഷ്ടികള്‍ ഏപ്രില്‍ 15നു മുമ്പ് എഡിറ്റര്‍, നളന്ദ മാഗസിന്‍, തുളസി’മലബാര്‍ ഹോസ്പിറ്റിലിന് എതിര്‍വശം, നേരം പോക്ക് റോഡ്, ഇരിട്ടി-670 703 എന്ന വിലാസത്തിലോ, മാഗസിന്‍ എഡിറ്റര്‍, മുസ്തഫ കീത്തടത്ത്, അമല്‍ മെഡിക്കല്‍സ്, പുതിയ ബസ് സ്റ്റാന്റ് ഇരിട്ടി-670 703 എന്ന വിലാസത്തിലോ എത്തിക്കണമെന്ന് ഭാരവാഹികളായ മുസ്തഫ കീത്തടത്ത് (95445 44611) ശ്രീനിവാസന്‍ (9747575478) ഹനീഫ ഇരിട്ടി(8281852844) എന്നിവര്‍ അറിയിച്ചു.