അമ്പലപ്പുഴ: മത്സ്യതൊഴിലാളി സമൂഹത്തോട് ഈ സര്ക്കാരും മന്ത്രി ജി.സുധാകരനും പ്രതികാരബുദ്ധിയോടെയാണ് പെരുമാറുന്നതെന്ന് ധീവരസഭ സംസ്ഥാന ജന. സെക്രട്ടറി വി. ദിനകരന്. ഏപ്രില് 30ന് മുന്പ് തീരദേശ വാസികളുടെ പുനരധിവാസത്തില്് അന്തിമ തീരുമാനമുണ്ടായില്ലെങ്കില് മന്ത്രി ജി. സുധാകരന്റെ വസതിയിലേക്ക് മാര്ച്ചും കളക്ട്രേറ്റ് ഉപരോധവും സംഘടിപ്പിക്കുമെന്ന് ദിനകരന് പറഞ്ഞു.
തോട്ടപ്പള്ളി മത്സ്യബന്ധന തുറമുഖത്തെ മണല് നീക്കം ധീവരസഭ എതിര്ത്തത് കൊണ്ടാണ് മല്സ്യതൊഴിലാളികളുടെ പുനരധിവാസം ഉള്പ്പെടെയുള്ള വിഷയങ്ങളില് സര്ക്കാര് പ്രതികാരബുദ്ധിയോടെ പെരുമാറുന്നത്.തിരുവനന്തപുരം ജില്ലയില് വിട് നഷടപ്പെട്ട 185 കുടുംബങ്ങള്ക്ക് നഷ്ടപരിഹാരം നല്കിയപ്പോള് ആലപ്പുഴ ജില്ലയില് വെറും 36 പേര്ക്ക് മാത്രമാണ് സഹായം നല്കാന് തീരുമാനിച്ചത്. 124 കുടുംബങ്ങളാണ് വിവിധ ദുരിതാശ്വാസ ക്യാമ്പുകളില് കഴിയുന്നത്.
ദിനകരന് എട്ടുകാലി മമ്മൂഞ്ഞെന്ന്
അമ്പലപ്പുഴ: എട്ടുകാലി മമ്മൂഞ്ഞാകാനുള്ള ശ്രമമാണ് ധീവരസഭാ ജനറല് സെക്രട്ടറി വി.ദിനകരന് നടത്തുന്നതെന്ന് മമല്സ്യതൊഴിലാളി ഫെഡറേഷന് സംസ്ഥാന ജനറല് സെക്രട്ടറി പി പി. ചിത്തരഞ്ജന്. മത്സ്യതൊഴിലാളികളുടെ പുനരധിവാസവുമായി ബന്ധപ്പെമട്ട് കഴിഞ്ഞ ദിവസം സര്ക്കാരിനും മന്ത്രി ജി. സുധാകരനെതിരെയും വി.ദിനകരന് രൂക്ഷ വിമര്ശനം നടത്തിയിരുന്നു. ഇതിനുള്ള മറുപടിയായാണ് ചിത്തരഞ്ജന് ഇക്കാര്യം പറഞ്ഞത്. മത്സ്യഫെഡില് കോടികളുടെ അഴിമതിയാണ് ദിനകരന് നടത്തിയിരിക്കുന്നത്. ഹാര്ബറില് നിന്ന് മണലെടുക്കണമെന്ന് കാട്ടി നേരത്തെ നോട്ടീസ് ഇറക്കിയ ദിനകരന് ഇപ്പോള് നിലപാട് മാറ്റിയിരിക്കുകയാണ്. വസ്തുതകളൊക്കെ മറച്ച് വെച്ച് കൊണ്ട് ദിനകരന് നടത്തുന്ന പ്രചരണം തള്ളിക്കളയണമെന്നും ചിത്തരഞ്ജന് പറഞ്ഞു.
