മംഗളൂരു: അടുത്ത വര്‍ഷം നടക്കാനിരിക്കുന്ന നിയമസഭാ തെരഞ്ഞെടുപ്പില്‍ മലയാളി വോട്ടര്‍മാരുടെ സജീവ പങ്കാളിത്തം ഉറപ്പാക്കാനായി വിപുല പ്രവര്‍ത്തന പരിപാടികള്‍ക്ക് ബിജെപി മലയാളി സെല്‍ സംസ്ഥാന കമ്മിറ്റി രൂപം നല്‍കി. മുഖ്യമന്ത്രി സ്ഥാനാര്‍ത്ഥിയായ യദ്ദ്യൂരപ്പയുടെ വണ്‍ ഫിഫ്റ്റി പ്ലസ് വിജയലക്ഷ്യം എന്ന മുദ്രാവാക്യത്തില്‍ നിന്ന് പ്രചോദനം ഉള്‍ക്കൊണ്ട് മലയാളികളുടെ സജീവ സാന്നിധ്യമുള്ള അന്‍പതിലേറെ മണ്ഡലങ്ങളില്‍ ബോധവല്‍ക്കരണ പ്രചാരണ പരിപാടികള്‍ നടത്തും. ‘വണ്‍ ഫിഫ്റ്റി പ്ലസ്’ എന്ന ഈ പ്രവര്‍ത്തന പരിപാടി ബംഗളുരു, മൈസൂരു, ദക്ഷിണ കര്‍ണ്ണാടക, കുടക്, ഷിമോഗ, ഉഡുപ്പി, ചിക്കമംഗ്ലൂര്‍ എന്നീ ജില്ലകളിലാണ് പ്രധാനമായും കേന്ദ്രീകരിക്കുക. അതിന് തുടക്കം കുറിച്ചുകൊണ്ട് ഉപ തെരഞ്ഞെടുപ്പ് നടക്കുന്ന നഞ്ചന്‍ ഗുഡ്, ഗുണ്ടല്‍പേട്ട് മണ്ഡലങ്ങളില്‍ സെല്‍ പ്രവര്‍ത്തകര്‍ പ്രചരണത്തിന് ഇറങ്ങും. സെല്‍ സംസ്ഥാന കണ്‍വീനര്‍ ഗോപിനാഥ് വന്നേരിയുടെ അദ്ധ്യക്ഷതയില്‍ മംഗലാപുരത്ത് ചേര്‍ന്ന യോഗത്തില്‍ വി.രവീന്ദ്രന്‍, ഒ.പി. സന്തോഷ്, ടി.എ.അശോകന്‍, കൃഷ്ണരാജ്, ഹരി നായര്‍, മധു കലമാനൂര്‍, കെ.പി.ശ്രീശന്‍, എന്‍. ടി.സതീഷ്, ദിനേശ് പിഷാരടി, ആതിഥ്യ ഉദയ്, മുരളി കോറോത്ത്, കെ.സന്തോഷ് കുമാര്‍, സുധി തയ്യില്‍, രവി ചന്ദ്രന്‍, വിഷ്ണുമംഗലം കുമാര്‍, സലീഷ് പി.വി.തുടങ്ങിയവര്‍ സംസാരിച്ചു.
‘ഫിഫ്റ്റി പ്ലസ് ‘ പദ്ധതിയുമായി ബിജെപി മലയാളി സെല്‍
ബന്ധപ്പെട്ട വാര്‍ത്തകള്‍
പുതിയ വാര്‍ത്തകള്‍
ജന്മഭൂമി ഓണ്‍ലൈന്‍© Mathruka Pracharanalayam Limited.
Tech-enabled by Ananthapuri Technologies.