കോട്ടയം: വനിതാ ദിനത്തോടനുബന്ധിച്ച് കോട്ടയം ജില്ലയിലെ മാന്നാനം കെ.ഇ. കോളേജിലും നാട്ടകം പോളീടെക്നിക്കിലും എസ്എഫ് ഐ പതിച്ച പോസ്റ്റര് സംസ്കാരസമ്പന്നരായ മലയാളികള്ക്ക് അപമാനകരമാണെന്ന് യുവമോര്ച്ച ജില്ല പ്രസിഡന്റ് അഖില് രവീന്ദ്രന് ആരോപിച്ചു. സ്ത്രീ സ്വാതന്ത്രത്തേയും ഭാരതീയ സംസ്കാരത്തേയും അപമാനിക്കുന്ന എസ്എഫ്ഐയുടെ ഇത്തരം നിലപാട് കേരളത്തില് വര്ദ്ധിച്ച് വരുന്ന സ്ത്രീപീഡനങ്ങള്ക്ക് തങ്ങളുടെ മൗനാനുവാദം ഉണ്ടെന്നതിന്റെ ഏറ്റുപറച്ചില്കൂടിയാണ്. യുവതീ യുവാക്കള് ധാരാളമായി കൈകാര്യം ചെയ്യുന്ന നവമാധ്യമങ്ങളില് ദേശവിരുദ്ധ നിലപാടുകള് സ്വീകരിക്കാന് എസ്എഫ്ഐയെ ഇടതുമുന്നണി ചട്ടുകമായി ഉപയോഗിക്കുകയാണ്. കുറ്റക്കാരായവര്ക്കെതിരെ നിയമനടപടികള് സ്വീകരിക്കുവാന് പോലീസ് അധികാരികളോ ജില്ലയിലെ ഇടതുമുന്നണി നേതാക്കളോ തയ്യാറാകുന്നില്ല എന്നതാണ് യാഥാര്ത്ഥ്യം.
എസ്എഫ്ഐയ്ക്ക് എല്ലാ ഒത്താശയും ചെയ്തുകൊടുക്കുന്നത് കോളേജിലെ ഇടതു അദ്ധ്യാപക സംഘടന നേതാക്കളാണ്. കുറ്റക്കാരായവരെ അറസ്റ്റ് ചെയ്യുവാനോ മറ്റ് നടപടികള് സ്വീകരിക്കുവാനോ പോലീസോ, കോളേജ് അധികാരികളോ തയ്യാറാകുന്നില്ല. ഇതിനെതിരെ പ്രതിരിക്കുന്ന വിദ്യാര്ത്ഥി സംഘടനകളെ അടിച്ചമര്ത്തുന്ന നയമാണ് പോലീസ് കൈക്കൊള്ളുന്നത്. ഇത്തരം ദേശവിരുദ്ധ നിലപാടുകള്ക്കും സ്ത്രീവിരുദ്ധ നിലപാടുകള്ക്കുമെതിരെ യുവതീ യുവാക്കളെ അണിനിരത്തിക്കൊണ്ട് ജില്ലയില് ബഹുജനപങ്കാളിത്തത്തോടെ പ്രക്ഷോഭ പരിപാടികള് സംഘടിപ്പിക്കുമെന്ന് യുവമോര്ച്ച കോട്ടയം ജില്ലാ കമ്മറ്റി ആഹ്വാനം ചെയ്തു.
