അരൂര്: അന്യ സംസ്ഥാന തൊഴിലാളികളുടെ കടന്നു കയറ്റം മൂലം സ്വദേശികള്ക്ക് തൊഴില് നഷ്ടപ്പെടുന്നതായി ആരോപണമുയര്ന്നു. എന്തിനും ഏതിനും തൊഴിലെടുപ്പിക്കുവാന് അന്യ സംസ്ഥാനക്കാരെ ആശ്രയിക്കേണ്ട ഗതികേടിലേക്ക് അരൂര് മേഖലയും പ്രാന്ത പ്രദേശങ്ങളും മാറിക്കഴിഞ്ഞു.
ഇതര സംസ്ഥാന തൊഴിലാളികളെ കൊണ്ട് പ്രദേശമാകെ നിറഞ്ഞരിക്കുകയാണ്. സ്വന്തം നാട്ടില് ലഭിക്കുന്നതിന്റെ ഇരട്ടിയിലധികം കൂലി ഇവിടെ ലഭിക്കുമെന്നതിനാലാണ് ഇവര് അരൂര് മേഖല കൂടാതെ കേരളത്തിലാകമാനം ചേക്കേറിയിരിക്കുന്നത്.
സ്വന്തം നാട്ടില് അടിസ്ഥാന വിദ്യാഭ്യാസം പോലും ഇല്ലാത്ത ഇവര്ക്ക് കേരളം വിദേശ രാജ്യമാണെന്നാണ് കണക്കു കൂട്ടുന്നത്. തൊഴിലനേ്വഷിച്ച് എത്തുന്ന ഇതര സംസ്ഥാനക്കാര് ഏതു തരം ജോലിയും ചെയ്യുവാന് തയ്യാറായിട്ടാണ് ഇവിടെ എത്തുന്നത്. ഇത്തരം സാഹചര്യത്തിലാണ് സ്വന്തം നാട്ടില് ഉള്ളവര്ക്ക് തൊഴിലിടം നഷ്ടപ്പെടുന്നതായി ആരോപണമുയര്ന്നിരിക്കന്നത് മുന് കാലങ്ങളില് നിസ്സാര കൂലി വാങ്ങി ജോലി ചെയ്തിരുന്ന ഇവര് ഇപ്പോള് സ്വദേശികളേക്കാള് കൂടുതല് കൂലിയാണ് വാങ്ങുന്നത്.
പ്രധാനമായും നേപ്പാളികളും തമിഴ് സ്വദേശികളുമാണ് തൊഴിലിനായി എത്തുന്നത്. അരൂര് മേഖലയെ സംബന്ധിച്ചിടത്തോളം പ്രധാനമായും മല്സ്യ ബന്ധന മേഖലയാണ്. മല്സ്യ ബന്ധന മേഖലയുമായി പുലബന്ധം പോലുമില്ലാത്ത ഇവര് നിലവില് സ്വദേശികളെക്കാള് കൂടുതല് ശ്രദ്ധയോടെയാണ് തൊഴിലെടുക്കുന്നത്.
അതുകൊണ്ടു തന്നെ ഇതര സംസ്ഥാന തൊഴിലാളികള്ക്ക് വഴി മാറിക്കൊടുത്ത് സ്വദേശികള്ക്ക് നോക്കുകുത്തിയായി മാറി നില്ക്കേണ്ട ഗതികേടിലായി മാറിയിരിക്കുകയാണ്. സ്വദേശികള്ക്ക് തൊഴില് നഷ്ടപ്പെടുന്നതുമായി ബന്ധപ്പെട്ട് ബന്ധപ്പെട്ട അധികൃതര് ഉചിതമായ നടപടി സ്വീകരിക്കണമെന്ന് വിവിധ കേന്ദ്രങ്ങില് നിന്നും ആവശ്യമുയര്ന്നു കഴിഞ്ഞു.
