കുന്നന്താനം: ബിജെപി കുന്നന്താനം പഞ്ചായത്ത് കമ്മിറ്റിയുടെ നേതൃത്വത്തില്‍ കുന്നന്താനം-അമ്പലപ്പടി റോഡിന്റെയും പുളിന്താനം പാലയ്‌ക്കാതകിടി റോഡിന്റെയും ശോചനീയാവസ്ഥ പരിഹരിക്കണമെന്നാവശ്യപ്പെട്ട് യുവമോര്‍ച്ച ്‌നേതാക്കള്‍ ഉപവസിച്ചു.
ജില്ലാ ജനറല്‍ സെക്രട്ടറി രാജേഷ് ആലപ്പാട്ട്, എം. പ്രമോദ് എന്നിവരാണ് ഉപവാസ സമരം നടത്തിയത്. ബിജെപി ജില്ലാ വൈസ് പ്രസിഡന്റ് വിജയകുമാര്‍ മണിപ്പുഴ ഉദ്ഘാടനം ചെയ്തു. സമാപന സമ്മേളനം ജില്ലാ ജനറല്‍ സെക്രട്ടറി അഡ്വ.എസ്.എന്‍.ഹരികൃഷ്ണന്‍ ഉദ്ഘാടനം ചെയ്തു.
വിനോദ് തിരുമൂലപുരം, പ്രസന്നകുമാര്‍ കുറ്റൂര്‍, സിബിസാം, സന്തോഷ് കുമാര്‍, ഹരികൃഷ്ണന്‍, വിനോദ് വേളൂകാവില്‍, ഇ.ജി. സോമന്‍, ശശിധരന്‍, സേതുലക്ഷ്മി, സേതുഭായ് എന്നിവര്‍ പ്രസംഗിച്ചു. ഇതേ ആവശ്യം ഉന്നയിച്ച് ബിജെപി യുവമോര്‍ച്ച പ്രവര്‍ത്തകര്‍ നടത്തുന്ന നാലാംഘട്ടസമരമായിരുന്നു ഉപവാസം. റോഡ് തടയല്‍, പൊതുമരാമത്ത് ആഫീസ് ഉപരോധം അടക്കമുള്ള സമര മാര്‍ഗങ്ങള്‍ ബിജെപി മുന്‍പ് സ്വീകരിച്ചിരുന്നു.
