തിരൂര്: വലിയ പറപ്പൂരില് തെരുവുനായയുടെ ആക്രമണത്തില് 12 പേര്ക്ക് പരിക്കേറ്റു. കുണ്ടിലങ്ങാടി പടിക്കപ്പറമ്പില് കോയ ഹാജിയുടെ മകന് മുഹമ്മദ് സലീം(34), തൊട്ടിയില് അലി(61), മാതംകുഴി, വടക്കേതില് മുഹമ്മദ് ബഷീര്(48), വലിയപറപ്പൂര് തിയ്യംതിരുത്തി കൊണ്ടയുടെ മകന് മണികണ്ഠന്(40), തിയ്യംതിരുത്തി ജനാര്ദ്ദനന്റെ ഭാര്യ കമലം(45), കളിച്ചാത്ത് കറപ്പന്റെ ഭാര്യ ഗിരിജ(40), കക്കിടി മണികണ്ഠന്റെ മകന് നിരാമയി കൃഷ്ണ(മൂന്ന്), വല്ലിപ്പറമ്പ് പരപ്പില് ഇസ്മയിലെ എട്ടു വയസ്സുകാരിയായ മകള് തുടങ്ങിയവര്ക്കാണ് കടിയേറ്റത്.
ഇന്നലെ പുലര്ച്ചെയാണ് സംഭവം വൈരങ്കോട് നിന്ന് ഉത്സവം കഴിഞ്ഞു വരുന്നവരെയും വീട്ടുമുറ്റത്ത്് നില്ക്കുന്നവര്ക്കുമാണ് കടിയേറ്റത്. ഗിരിജയെ കുറ്റിപ്പുറം സര്ക്കാര് ആശുപത്രിയിലും മറ്റുള്ളവരെ തിരൂര് ജില്ലാ ആശുപത്രിയില് എത്തിച്ചെങ്കിലും മരുന്നില്ലാത്തതിനാല് കോഴിക്കോട് മെഡിക്കല് കോളേജ് ആശുപത്രിയിലേക്ക് കൊണ്ടുപോയി. മിക്കവര്ക്കും കാലിലും കൈകളിലുമാണ് പരിക്ക്.
