അദാലത്തില്
വിലപിക്കുന്ന ലളിത
തിരുവനന്തപുരം: മകള് വീട്ടുപകരണങ്ങളും സമ്പാദ്യവും തട്ടിയെടുത്തെന്നു കാട്ടി കാന്സര് രോഗിയായ വൃദ്ധ വനിതാ കമ്മിഷന് അദാലത്തിലെത്തി. കഴക്കൂട്ടം അമ്പലത്തിന്കര സ്വദേശിയായ ലളിതയ്ക്ക് മൂന്ന് ആണ്മക്കളുമുണ്ട്. ഭര്ത്താവ് രോഗിയായി കിടപ്പിലാണ്. തന്റെ സ്വത്തും 12 പവന് സ്വര്ണാഭരണങ്ങളും ഒരു ലക്ഷം രൂപയും അയല്ക്കൂട്ടത്തില് ആറു വര്ഷമായി അടച്ച പണവും മകള് കൈക്കലാക്കിയെന്ന് പരാതിയില് പറയുന്നു. മകള് ഹാജരാകാത്തതിനാല് കേസ് അടുത്ത അദാലത്തിലേക്ക് മാറ്റി.
കുടുംബപ്രശ്നങ്ങള് ഒതുക്കിത്തീര്ക്കാനുള്ള ശ്രമങ്ങള്ക്ക് തടസമായി നിന്ന മാതാപിതാക്കളെ ഒഴിവാക്കി നടത്തിയ ഒത്തുതീര്പ്പുശ്രമത്തെ തുടര്ന്ന് കൗണ്സിലിംഗിന് ഹാജരാകാന് ദമ്പതികള് കമ്മിഷന്റെ മെഗാ അദാലത്തില് തയ്യാറായി.
രണ്ടാം ഭര്ത്താവിന്റെ അവിഹിതബന്ധത്തിനെതിരെയും നഷ്ടപരിഹാരം ആവശ്യപ്പെട്ടും വെങ്ങാനൂര് സ്വദേശി അദാലത്തിലെത്തി. അയാള് ഉണ്ടാക്കിവച്ച കടബാദ്ധത തീര്ക്കണമെന്നും ജീവനാംശം നല്കണമെന്നും ആവശ്യപ്പെട്ട പരാതിയില് ഭര്ത്താവ് ഹാജരാകാത്തതിനാല് കേസ് മാറ്റിവയ്ക്കുകയായിരുന്നു.
കമ്മിഷന് ഡയറക്ടര് വി. യു. കുര്യാക്കോസിന്റെ അദ്ധ്യക്ഷതയില് നടന്ന അദാലത്തില് 150 കേസുകള് പരിഗണിച്ചു. 74 പരാതികള് തീര്പ്പായി. രണ്ടെണ്ണം കൗണ്സിലിംഗിനും അഞ്ചു കേസുകള് പോലീസ് റിപ്പോര്ട്ടിനും അയച്ചു. ഒറ്റക്കക്ഷി മാത്രം ഹാജരായ 68 കേസുകള് അടുത്ത അദാലത്തിലേക്കുമാറ്റിവച്ചു. ഒരു കേസില് ഇരുകക്ഷികളും ഹാജരായില്ല.
